Livandaǵy jarylys saldarynan Qazaqstannyń diplomatiialyq missiiasy ǵimaratyna ziian keldi. Bul týraly Syrtqy ister ministrligi habarlady.
Livandaǵy qazaqstandyq diplomattardyń aqparaty boiynsha, 4 tamyzda jergilikti ýaqyt boiynsha saǵat 18:00 shamasynda Beirýttaǵy teńiz portynyń bazasynda birneshe qatty jarylys bolyp, jaqyn mańda ornalasqan úilerdiń, sondai-aq epitsentrden birneshe shaqyrym jerde ornalasqan ǵimarattardyń terezeleri shaǵylǵan.
Degenmen diplomatiialyq missiianyń qyzmetkerleri jumys kúni aiaqtalǵan soń oryndarynan ketip qalǵan. Ministrlik dereginshe, konsýl ǵana jumysta qalyp, jarylys tolqyny saldarynan jeńil jaraqat alǵan.
"Elshilik qyzmetkerleri jumys ýaqyty aiaqtalǵan soń úilerine qaityp ketken. Jumysta qalǵan konsýl jarylys tolqynynan azdap jaraqattandy. SIM jergilikti bilikpen bailanysyp otyr. Livanda júrgen Qazaqstan azamattaryna qatysty aqparattardy tekserip jatyr" dep habarlady ministrlik.
Jergilikti biliktiń aldyn-ala aqparaty boiynsha, teńiz portynda pirotehnikasy bar keme jarylǵan.
Buǵan deiin Livan astanasy Beirýt qalasynda joiqyn jarylys bolǵany týraly habarlaǵan bolatynbyz.
