قىزىلوردادا سىرتقى ەسٸگٸ قۇلىپتاۋلى تۇرعان پەتەر ٸشٸندە قۇلاپ, ەكٸ كٷن بويى تۇرا الماي جاتقان قارييا قۇتقارىلدى, دەپ حابارلايدى "ۇلت اقپارات".
وبلىستىق تٶتەنشە جاعدايلار دەپارتامەنتٸنە 9 تامىزدا پوليتسييا قىزمەتكەرٸنەن حابار تٷسكەن. وندا ع. مۇراتباەۆ كٶشەسٸندەگٸ بەس قاباتتى تۇرعىن ٷيدٸڭ 3-قاباتىنداعى پەتەر ٸشٸندە 65 جاستاعى قارييانىڭ ەكٸ كٷننەن بەرٸ ەسٸك اشپاي جاتقانى جٶنٸندە ايتىلعان.
«وقيعا ورنىندا جەدەل قۇتقارۋ جاساعىنىڭ ماماندارى شۇعىل جۇمىستار جٷرگٸزدٸ. تٶرتٸنشٸ قاباتتان قۇتقارۋ ارقانىمەن تٷسٸپ, بالكون ارقىلى پەتەر ٸشٸنە كٸردٸ. پەتەر ٸشٸندە قۇلاپ, ٶزدٸگٸنەن تۇرا الماي جاتقان 2-شٸ توپ مٷگەدەگٸ, 1956 جىلى تۋعان ەيەل ازاماتشانى قۇتقاردى. ول اپاتتار مەديتسينالىق ورتالىعىنىڭ قىزمەتكەرلەرٸنە تاپسىرىلىپ, اۋرۋحاناعا جەتكٸزٸلدٸ», - دەپ مەلٸم ەتتٸ قىزىلوردا وبلىستىق تٶتەنشە جاعدايلار دەپارتامەنتٸ ٶرت سٶندٸرۋ جەنە ااۆارييالىق-قۇتقارۋ جۇمىستارى قىزمەتٸنٸڭ باسپاسٶز حاتشىسى ەلييا ەرەجەپوۆا.
