Qyzylordada syrtqy esigi qulyptaýly turǵan páter ishinde qulap, eki kún boiy tura almai jatqan qariia qutqaryldy, dep habarlaidy "Ult aqparat".
Oblystyq Tótenshe jaǵdailar departamentine 9 tamyzda politsiia qyzmetkerinen habar túsken. Onda Ǵ. Muratbaev kóshesindegi bes qabatty turǵyn úidiń 3-qabatyndaǵy páter ishinde 65 jastaǵy qariianyń eki kúnnen beri esik ashpai jatqany jóninde aitylǵan.
«Oqiǵa ornynda jedel qutqarý jasaǵynyń mamandary shuǵyl jumystar júrgizdi. Tórtinshi qabattan qutqarý arqanymen túsip, balkon arqyly páter ishine kirdi. Páter ishinde qulap, ózdiginen tura almai jatqan 2-shi top múgedegi, 1956 jyly týǵan áiel azamatshany qutqardy. Ol Apattar meditsinalyq ortalyǵynyń qyzmetkerlerine tapsyrylyp, aýrýhanaǵa jetkizildi», - dep málim etti Qyzylorda oblystyq Tótenshe jaǵdailar departamenti Órt sóndirý jáne aavariialyq-qutqarý jumystary qyzmetiniń baspasóz hatshysy Áliia Erejepova.
