بٷگٸن قىزىلوردادا كوروناۆيرۋسقا قارسى ۆاكتسينانىڭ ەكٸنشٸ دوزاسىن ەگۋ باستالدى, دەپ حابارلايدى "ۇلت اقپارات".
اقپان ايىنىڭ باسىندا ٶڭٸرگە «سپۋتنيك V» ۆاكتسيناسىنىڭ 1 مىڭ دوزاسى جەتكٸزٸلٸپ, ول جەرگٸلٸكتٸ تۇرعىندارعا ەگٸلدٸ. ولاردىڭ 939-ى مەديتسينا قىزمەتكەرٸ بولسا, 61-ٸ باسقا دا ەرٸكتٸ تٷردە كەلگەن قالا تۇرعىندارى.
بٷگٸن تاعى 1 مىڭ دوزا وبلىسقا جەتكٸزٸلٸپ, بۇدان بۇرىن ەكپە قابىلداعان ازاماتتارعا اراعا ٷش اپتا سالىپ, ەكٸنشٸ مەرتە دوزانى ەگۋ جۇمىستارى جٷرگٸزٸلۋدە.
سالا ماماندارىنىڭ ايتۋىنشا, بۇل جولعى ەكپە الدىڭعى ۆاكتسينانىڭ ەسەرٸن كٷشەيتەدٸ. ەرٸ اعزاداعى قورعانىش قابٸلەتٸن ارتتىرادى.
«ٶزٸم ەرٸكتٸ تٷردە اقپاننىڭ بٸرٸندە العاشقىلاردىڭ بٸرٸ بولىپ ەكپەنٸ سالدىردىم. 21 كٷن ۋاقىت ٶتسە دە ەكپەنٸڭ ەش كەرٸ ەسەرٸن بايقامادىم. سول سەبەپتٸ بٷگٸن ەكپەنٸڭ ەكٸنشٸ كەزەڭٸنەن ٶتتٸم. بٸز بٷكٸل ەلدٸ دٷرلٸكتٸرگەن كوروناۆيرۋس ينفەكتسيياسىن تۇرعىندار ساقتىق شارالارىن تولىق جاساعاندا عانا جەڭە الامىز. ال ەكپەنٸڭ بۇل رەتتە پايداسى زور. سوندىقتان قازٸر حالىق اراسىندا ۆاكتسينالاۋدىڭ ماڭىزى تۋرالى تٷسٸندٸرۋ جۇمىستارىن جٷرگٸزٸپ جاتىرمىز. بۇل جۇمىستار الداعى ۋاقىتتا دا جالعاسا بەرمەك», - دەدٸ وبلىستىق دەنساۋلىق ساقتاۋ باسقارماسىنىڭ باسشىسى سەبيت پازيلوۆ.
ايتا كەتەيٸك, «سپۋتنيك V» رەسەيلٸك ۆاكتسيناسىنىڭ ەكٸنشٸ دوزاسى قالالىق №1-شٸ, №3-شٸ جەنە №6-شى ەمحانالاردا جٷرگٸزٸلەدٸ.
