بەيجٸڭگە كٶرشٸلەس جاتقان حەبەي پروۆينتسيياسىنىڭ ٷش قالاسىنداعى 22 ميلليوننان استام تۇرعىن كوروناۆيرۋستىڭ قايتا ٶرشۋٸنە بايلانىستى وقشاۋلاندىرىلدى, دەپ حابارلايدى "ۇلت اقپارات".
حەبەي پروۆينتسيياسىندا COVID-19-دىڭ ٶرشۋٸنە بايلانىستى شيتسزياچجۋان, سينتاي جەنە لانفان قالالارى وقشاۋلاندىرىلدى. بۇل شاھارلاردا تۇراتىن حالىق سانى 22 ميلليوننان اسادى.
قىتايدا 2021 جىلدىڭ باسىنان كوروناۆيرۋستىڭ جاڭا جاعدايلارى كٷرت ارتتى. ٸندەتتٸ ەڭ كٶپ جۇقتىرعاندار شيتسزياچجۋان قالاسىندا تٸركەلدٸ. 11 ميلليون تۇرعىنى بار شيتسزياچجۋاندا سەيسەنبٸدەن باستاپ حالىقتى جاپپاي تەستٸلەۋدٸڭ ەكٸنشٸ كەزەڭٸ باستالدى.
قىتاي بيلٸگٸ حەبەي پروۆينتسيياسىنىڭ باسقا قالالارىنىڭ تۇرعىندارىنا بەيجٸڭگە بارماۋعا كەڭەس بەرٸپ وتىر.
جالپى, بيىلعى جىلدىڭ 2 قاڭتارىنان باستاپ حەبەي پروۆينتسيياسىندا كوروناۆيرۋس 400-دەن استام ادامدا راستالعان جەنە 200-دەن استام سيمپتومسىز تاسىمالداۋشى انىقتالعان.
