فوتو: سكرينشوت
قىتايدىڭ چۋنتسين قالاسىندا ٶتكەن شانحاي ىنتىماقتاستىق ۇيىمى (شىۇ) ەلدەرٸ حالىقارالىق كينوفەستيۆالٸنٸڭ سالتاناتتى جابىلۋ رەسٸمٸ ٶتتٸ, دەپ حابارلايدى Ult.kz.
بيىلعى فەستيۆالگە قاتىسۋشى مەملەكەتتەر ەكٸ تولىقمەتراجدى فيلمنەن ۇسىنىپ, نەگٸزگٸ «التىن كامەلييا» بايقاۋ باعدارلاماسىنا قاتىستى.
«ٷزدٸك اكتەر» اتالىمىن قازاقستاندىق اكتەر باقىت قاجىباەۆ يەلەندٸ. بۇل ماراپات وعان «نابات وپەراتسيياسى» فيلمٸندەگٸ باستى رٶلٸ ٷشٸن بەرٸلدٸ.
اكتەردٸڭ ايتۋىنشا, بۇل – تەك ٶزٸنٸڭ عانا ەمەس, فيلمگە جان-تەنٸمەن ەڭبەك سٸڭٸرگەن بٷكٸل شىعارماشىلىق توپتىڭ جەڭٸسٸ. ول شىنايى وقيعاعا نەگٸزدەلگەن بۇل حيكايانى جٷزەگە اسىرۋدىڭ ماڭىزىن اتاپ ٶتٸپ, بارلىق كٶرەرمەنگە العىس بٸلدٸردٸ.
«نابات وپەراتسيياسى» فيلمٸ 1992 جىلى قازاقستاندا بولعان شىنايى وقيعاعا نەگٸزدەلگەن. اۆتوبۋستاعى 30 ادامدى كەپٸلگە العان لاڭكەستەرگە قارسى قۇقىق قورعاۋ ورگاندارىنىڭ ارنايى وپەراتسيياسى ادام شىعىنىنسىز اياقتالادى.
فيلم ش. ايمانوۆ اتىنداعى «قازاقفيلم» كينوستۋديياسىندا قر مەدەنيەت جەنە اقپارات مينيسترلٸگٸ مەن ۇلتتىق كينونى قولداۋ ورتالىعىنىڭ قولداۋىمەن تٷسٸرٸلگەن.
بايقاۋعا ۇسىنىلعان ەكٸنشٸ قازاقستاندىق تۋىندى – رەجيسسەر دارحان تٶلەگەنوۆتٸڭ «اعايىندىلار» دراماسى. بۇل فيلم بۇعان دەيٸن 15-تەن استام حالىقارالىق ماراپاتقا يە بولعان, ونىڭ ٸشٸندە Oldenburg حالىقارالىق كينوفەستيۆالٸندە Spirit of Cinema Award جٷلدەسٸ بار.
بيىل قازاق كينوسى فەستيۆالدٸڭ فوكۋس-سەكتسيياسىنا ۇسىنىلىپ, «اعايىندىلار» فيلمٸ ارنايى باعدارلاما اياسىندا كٶرسەتٸلدٸ.
بايقاۋ باعدارلاماسىن شىۇ ەلدەرٸنٸڭ تانىمال كينەماتوگرافتارى, توعىز ادامنان قۇرالعان حالىقارالىق قازىلار القاسى باعالادى.
فەستيۆال اياسىندا كينونارىق ۇيىمداستىرىلدى. قازاقستاننىڭ ۇلتتىق ستەندٸندە ۇلتتىق كينونى قولداۋ ورتالىعى مەن ش. ايمانوۆ اتىنداعى «قازاقفيلم» كينوستۋديياسىنىڭ نەگٸزگٸ كينوجوبالارى ۇسىنىلدى. وندا 25-تەن استام كٶركەم, دەرەكتٸ جەنە انيماتسييالىق فيلمنٸڭ ترەيلەرلەرٸ كٶرسەتٸلدٸ.
چۋنتسيندەگٸ شىۇ حالىقارالىق كينوفەستيۆالٸ گۋمانيتارلىق بايلانىستاردى نىعايتۋعا, تەجٸريبە الماسۋعا جەنە ۇلتتىق كينوٶندٸرٸستٸ دامىتۋعا ارنالعان ماڭىزدى مەدەني الاڭعا اينالدى.
