Foto: skrinshot
Qytaidyń Chýntsin qalasynda ótken Shanhai yntymaqtastyq uiymy (ShYU) elderi halyqaralyq kinofestivaliniń saltanatty jabylý rásimi ótti, dep habarlaidy Ult.kz.
Biylǵy festivalge qatysýshy memleketter eki tolyqmetrajdy filmnen usynyp, negizgi «Altyn kameliia» baiqaý baǵdarlamasyna qatysty.
«Úzdik akter» atalymyn qazaqstandyq akter Baqyt Qajybaev ielendi. Bul marapat oǵan «Nabat operatsiiasy» filmindegi basty róli úshin berildi.
Akterdiń aitýynsha, bul – tek óziniń ǵana emes, filmge jan-tánimen eńbek sińirgen búkil shyǵarmashylyq toptyń jeńisi. Ol shynaiy oqiǵaǵa negizdelgen bul hikaiany júzege asyrýdyń mańyzyn atap ótip, barlyq kórermenge alǵys bildirdi.
«Nabat operatsiiasy» filmi 1992 jyly Qazaqstanda bolǵan shynaiy oqiǵaǵa negizdelgen. Avtobýstaǵy 30 adamdy kepilge alǵan lańkesterge qarsy quqyq qorǵaý organdarynyń arnaiy operatsiiasy adam shyǵynynsyz aiaqtalady.
Film Sh. Aimanov atyndaǵy «Qazaqfilm» kinostýdiiasynda QR Mádeniet jáne aqparat ministrligi men Ulttyq kinony qoldaý ortalyǵynyń qoldaýymen túsirilgen.
Baiqaýǵa usynylǵan ekinshi qazaqstandyq týyndy – rejisser Darhan Tólegenovtiń «Aǵaiyndylar» dramasy. Bul film buǵan deiin 15-ten astam halyqaralyq marapatqa ie bolǵan, onyń ishinde Oldenburg halyqaralyq kinofestivalinde Spirit of Cinema Award júldesi bar.
Biyl qazaq kinosy festivaldiń fokýs-sektsiiasyna usynylyp, «Aǵaiyndylar» filmi arnaiy baǵdarlama aiasynda kórsetildi.
Baiqaý baǵdarlamasyn ShYU elderiniń tanymal kinematograftary, toǵyz adamnan quralǵan halyqaralyq qazylar alqasy baǵalady.
Festival aiasynda kinonaryq uiymdastyryldy. Qazaqstannyń ulttyq stendinde Ulttyq kinony qoldaý ortalyǵy men Sh. Aimanov atyndaǵy «Qazaqfilm» kinostýdiiasynyń negizgi kinojobalary usynyldy. Onda 25-ten astam kórkem, derekti jáne animatsiialyq filmniń treilerleri kórsetildi.
Chýntsindegi ShYU halyqaralyq kinofestivali gýmanitarlyq bailanystardy nyǵaitýǵa, tájiribe almasýǵa jáne ulttyq kinoóndiristi damytýǵa arnalǵan mańyzdy mádeni alańǵa ainaldy.
