قازاقستان ەلشٸلٸگٸندە قىتايدىڭ اۋدارماشىلار قاۋىمداستىعىنىڭ اعا اۋدارماشىسى, پروفەسسور حا حۋانچجانعا جەنە «قىتاي جازۋشىلارى» باسپا توبىنىڭ باس باسقارماسىنىڭ باسشىسى, تانىمال جازۋشى ەكبار مەجيتۇلىنا II دەرەجەلٸ «دوستىق» وردەندەرٸن سالتاناتتى تابىس ەتۋ رەسٸمٸ ٶتتٸ.
اباي قۇنانبايۇلىنىڭ مۇراسىن ناسيحاتتاۋعا سٸڭٸرگەن ەڭبەكتەرٸ ٷشٸن اتالعان تۇلعالاردى مەملەكەتتٸك ماراپاتپەن ناگرادتاۋ تۋرالى جارلىققا قازاقستان پرەزيدەنتٸ قاسىم-جومارت توقاەۆ 2020 جىلعى 4 تامىزدا قول قويعان بولاتىن.
1928 جىلى دٷنيەگە كەلگەن حا حۋانچجان (ەدەبيەتتەگٸ لاقاپ اتى – قاباي) اباي شىعارماشىلىعىن زەرتتەۋگە ٶمٸرٸن ارناعان العاشقى شەتەلدٸك ەدەبيەتتانۋشىلاردىڭ بٸرٸ بولىپ تابىلادى. 1958 ج. حا حۋانچجاننىڭ «اباي قۇنانبايۇلى. ٷش ٶلەڭ» اتتى تۇڭعىش اۋدارمالار جيناعى جارىق كٶردٸ. سول جىلى قحر شۇاا-دا شىعاتىن «تيان-شان» جۋرنالى «قازاقستاننىڭ ۇلى اقىنى - اباي قۇنانبايۇلى» اتتى ونىڭ اباي تۋرالى العاشقى عىلىمي ماقالاسىن جارييالادى.
ونىڭ «اباي ٶلەڭدەرٸ» جەنە «قارا سٶزدەر» اتتى قىتاي تٸلٸندەگٸ اۋدارمالارىن شىنجاڭ باسپاسى 1982 جەنە 1984 جج. باسىپ شىعاردى. ٷش جىلدان كەيٸن بەيجٸڭدە قابايدىڭ «اباي جەنە ونىڭ پوەزيياسى» اتتى ماقالالار جيناعى, ال 1994 ج. ول قۇراستىرعان «اباي شىعارمالارىنىڭ تولىق جيناعى» قىتاي تٸلٸندە جارىق كٶردٸ.
حا حۋانچجاننىڭ ەڭ ەلەۋلٸ ەڭبەكتەرٸنٸڭ بٸرٸ – مۇحتار ەۋەزوۆتٸڭ ەلەمگە ەيگٸلٸ «اباي جولى» رومان-ەپوپەياسىنىڭ اۋدارماسى. بۇل جۇمىسقا ول 14 جىل جۇمساعان بولاتىن.
ەكبار مەجيتۇلى – قىتاي تٸلٸندە جازاتىن قحر-دىڭ از ۇلتتار ٶكٸلدەرٸنٸڭ كٶرنەكتٸ جازۋشىلارىنىڭ بٸرٸ. 1982 ج. باستاپ قىتاي جازۋشىلار وداعىنىڭ مٷشەسٸ بولىپ تابىلادى, كەزٸندە قحر حالىقتىق-ساياسي كونسۋلتاتيۆتٸك كەڭەسٸنٸڭ دەپۋتاتى بولعان, قحر مەملەكەتتٸك سىيلىعىنىڭ ٷش مەرتە يەگەرٸ, وننان استام كٸتاپتىڭ, ونىڭ ٸشٸندە اباي شىعارمالارى اۋدارمالارىنىڭ اۆتورى.
2020 جىلى قىركٷيەكتە ەكبار ماجيتۇلىنىڭ «اباي قۇنانبايۇلىنىڭ شىعارمالارى قىتاي تٸلٸندە» اتتى 2 تومدىق جيناعى جارىق كٶردٸ.
ەكبار مەجيتۇلىنىڭ اۋدارمالارى مەن ٸزدەنٸستەرٸنٸڭ ارقاسىندا بٷگٸن قىتاي وقىرماندارى اباي قۇنانبايۇلىنىڭ اقىندىق جەنە فيلوسوفييالىق مۇراسىمەن قاتار قازاق ەدەبيەتٸنٸڭ باسقا دا كٶرنەكتٸ كلاسسيكتەرٸنٸڭ شىعارمالارىمەن جاقىن تانىسۋعا مٷمكٸنشٸلٸك الۋدا.
