قىتاي بيلٸگٸ Alibaba كورپوراتسيياسىنا مونوپولييا شارتتارىن بۇزدى دەپ ايىپ تاعىپ, 2,8 ميلليارد دوللار ايىپپۇل سالدى. بۇل – ەل تاريحىنداعى ەڭ اۋقىمدى ايىپپۇل. كومپانييانىڭ نەگٸزٸن قالاۋشى دجەك ما قازاندا قىتاي باسشىلارىن جۇرت الدىندا سىناعان سوڭ ٷش ايداي جوق بولىپ كەتكەن, ال ونىڭ تاعى بٸر كومپانيياسىنىڭ اكتسييا ساتۋ ناۋقانى كەيٸنگە قالدىرىلدى.
Forbes جۋرنالى بايلىعى 65,5 ميلليارد دەپ باعالاعان, قىتايداعى ەڭ اۋقاتتى ادام سانالىپ كەلگەن دجەك ما بيلٸككە قارسى پٸكٸر ايتقان سوڭ كٶپ نەرسە ٶزگەردٸ. 24 قازاندا شانحايدا ٶتكەن ەكونوميكالىق فورۋمدا ما "كەرٸ-قۇرتاڭدار ويلاپ تاپقان" رەتتەۋ شارالارى زامان تالابىنا ساي ەمەس دەپ مەلٸمدەگەن ەرٸ ٷكٸمەتتٸ قاعازباستىلىققا سالىنىپ, بانكتەردٸڭ مٷددەسٸن قورعاپ وتىر دەپ ايىپتاعان.
دجەك مانىڭ الدىندا سول فورۋمدا مەملەكەت باسشىسى سي تسزينپيننٸڭ ٷزەڭگٸلەسٸ, قىتاي تٶراعاسىنىڭ ورىنباسارى ۆان تسيشان قۇتتىقتاۋ سٶز سٶيلەگەن. بيزنەسمەننٸڭ سٶزٸ تسيشاننىڭ ٶزٸنە ايتىلعان سىن دەپ قابىلداندى. بۇدان سوڭ ما ٷش ايداي جۇرت كٶزٸنە تٷسپەي كەتتٸ, وسى ارالىقتا ونىڭ اكتيۆتەرٸنٸڭ قۇنى 15 ميلليارد دوللارعا ارزاندادى, قازٸر ول بايلىعى جٶنٸنەن قىتايداعى تٶرتٸنشٸ ادام بولىپ قالدى.
Alibaba Group كومپانيياسىنا قاتىستى تەكسەرٸس جەلتوقساندا باستالدى. ەۋروپا نارىعىندا AliExpress دەگەن ينتەرنەت-دٷكەندەرٸمەن بەلگٸلٸ بۇل كومپانييا "ساتۋشىلاردى تەك جالعىز پلاتفورمامەن ساتۋعا مەجبٷرلەدٸ" دەپ ايىپتالدى. بۇل تەرتٸپ تۇتىنۋشىلاردىڭ قۇقىقتارى مەن مٷددەلەرٸنە قايشى كەلەدٸ, ساتۋشىلاردىڭ بيزنەسٸنە كەرٸ ەسەرٸن تيگٸزەدٸ دەدٸ رەتتەۋشٸ ۇيىم.
Wall Street Journal باسىلىمىنا سۇحبات بەرگەن شەنەۋنٸكتەر قىتاي باسشىلىعى مانىڭ بيزنەس يمپەريياسىنىڭ اۋقىمىن كٸشٸرەيتۋگە تىرىسادى دەگەن بولجام ايتتى. بۇعان قوسا بيلٸك فينتەح-ستارتاپتاردى باقىلاۋ ەرەجەسٸن قاتايتىپ, ولاردىڭ جۇمىس تەرتٸبٸن بانكتٸكٸنە جاقىنداتۋدى كٶزدەپ وتىر.
قاراشادا قىتاي بيلٸگٸ ادامزات تاريحىنداعى ەڭ ٸرٸ اكتسييا ساۋدالاۋ شاراسىن بولدىرماي تاستادى. ما قۇرعان Ant Group قارجى كومپانيياسى گونكونگ پەن شانحايدا ٸرو-عا شىعىپ, 34,5 ميلليارد دوللار تارتۋى تيٸس بولعان. وسىدان كەيٸن كومپانييانىڭ قۇنى Bank of America-دان دا قىمباتتاپ, 315 ميلليارد دوللارعا جەتۋٸ كەرەك ەدٸ. الايدا ساۋداعا ەكٸ كٷن قالعاندا بيرجانى ٶتكٸزۋگە تىيىم سالىندى.
Bloomberg بولجامى بويىنشا, وسى ٸرو-دان سوڭ ما ەلەمدەگٸ ەڭ باي ادامدار تٸزٸمٸندە 11-ورىنعا كٶتەرٸلەر ەدٸ. بۇعان قوسا پەكين Alibaba-دان مەديااكتيۆتەرٸن بٶلۋدٸ تالاپ ەتتٸ, سونىمەن بٸرگە مانىڭ ەليتالىق بيزنەس-مەكتەبٸ جاڭا ستۋدەنت قابىلدامايتىنىن جارييالادى.
قىتايتانۋشى الەكساندر گابۋەۆتٸڭ ايتۋىنشا, ما مەن قىتاي بيلٸگٸ اراسىنداعى تەكەتٸرەس تەك ساياساتقا تٸرەلٸپ تۇرعان جوق. ساراپشىنىڭ پٸكٸرٸ بويىنشا, قىتاي بيلٸگٸ دۇرىس رەتتەلمەيتٸن قارجى كومپانييالارى قارجى جٷيەسٸنە تۇراقسىزدىق ەكەلٸپ, تۇرعىنداردىڭ نارازىلىعىن كٷشەيتۋٸ مٷمكٸن دەپ قوبالجيدى.
