قىتاي حالىق رەسپۋبليكاسى سىرتقى ٸستەر مينيسترلٸگٸنٸڭ رەسمي ٶكٸلٸ لۋ كاڭ اقش-تىڭ رەسەي, يران جەنە سولتٷستٸك كورەياعا قارسى جاڭا سانكتسييا ەنگٸزۋٸنە قاتىستى قحر ۇستانىمىن جارييا ەتتٸ, دەپ حابارلايدى قازاقپارات.
«رەسەي, گەرمانييا, فرانتسييا سەكٸلدٸ مەملەكەتتەر سانكتسييالار تۋرالى ٶز كٶزقاراستارىن بٸلدٸردٸ. قىتاي ٷكٸمەتٸ ەجەلدەن ەكٸ ەل اراسىنداعى داۋلاردى كەلٸسٸم ارقىلى شەشۋدٸ قولدايدى, بٸر جاقتى سانكتسييا جارييالاۋ ەرەكەتتەرٸن قۇپتامايمىز», - دەدٸ لۋ كاڭ.
ەسكە سالا كەتسەك, اقش پرەزيدەنتٸ دونالد ترامپتىڭ رەسەيگە قارسى سانكتسييا ەنگٸزۋ تۋرالى زاڭعا قول قويعان بولاتىن. اقش كونگرەسٸنٸڭ ٶكٸلدەر پالاتاسى ٶتكەن اپتادا قابىلداعان زاڭ جوباسىندا امەريكالىق كومپانييالار مەن جەكە تۇلعالارعا سانكتسيياعا ٸلٸككەن رەسەيلٸك بانكتەرمەن مەمٸلە جاساۋعا تىيىم سالىنادى. سونىمەن قاتار رەسەيلٸك ەنەرگەتيكالىق سەكتورعا دا جاڭا شەكتەۋلەر ەنگٸزٸلەدٸ.
