بٸشكەك قالاسى پەرۆومايسكيي اۋداندىق سوتى قىرعىزستاننىڭ ەكس-پرەزيدەنتٸ المازبەك اتامباەۆتى 11 جىل 2 ايعا سوتتاپ, دٷنيە-مٷلكٸن تەركٸلەۋ تۋرالى ٷكٸم شىعاردى.
اتامباەۆقا سوت ٷكٸمٸ "قىلمىستىق توپ جەتەكشٸسٸ ازيز باتۋكاەۆتى زاڭسىز بوساتۋ ٸسٸ" بويىنشا شىقتى.
16 ماۋسىمداعى سوت وتىرىسىندا پروكۋرورلار اتامباەۆتى 15 جىلعا سوتتاۋدى سۇراعان. سوت وتىرىسى جابىق رەجيمدە ٶتتٸ.
سوت ٷكٸمٸنە ساي, اتامباەۆ "داناكەر", ەكٸنشٸ دەرەجەلٸ "ماناس", "دانق", پرەزيدەنتكە بەرٸلەتٸن ساعاتتان ايىرماق. سوت اتامباەۆتىڭ ٶزٸنٸڭ جەنە جاقىندارىنىڭ مٷلكٸن تەركٸلەۋگە ٷكٸم شىعاردى. تەركٸلەنۋٸ تيٸس مٷلٸكتەردٸڭ اراسىندا بەس كٶلٸك, شۋ مەن ىستىقكٶل وبلىسىنداعى ٷيلەر مەن جەر ۋچاسكەلەرٸ – بارلىعى 10 وبەكت بار.
اتامباەۆتىڭ يەلٸگٸندەگٸ "مەديا فورۋم", "فورۋم", "اۆتوماش-ەنەرگو", "اپرەل تۆ" كومپانييالارى دا تەركٸلەنبەك.
سوت ٷكٸمٸ ەلٸ كٷشٸنە ەنگەن جوق, ايىپتالۋشىنىڭ اپەللياتسييالىق شاعىم تٷسٸرۋگە قۇقىعى بار.
ۇلتى شەشەن, قىرعىزستان تۋماسى ازيز باتۋكاەۆ 2006 جىلى 16,8 جىلعا سوتتالعان. وعان "ادام ٶلتٸرۋگە قاتىستى; زاڭسىز جولمەن قارۋ دايىنداپ, ساتتى; جاپپاي باسسىزدىقتار ۇيىمداستىردى" دەپ ايىپتالعان. ول 2021 جىلى تٷرمەدەن شىعۋى تيٸس ەدٸ.
باتۋكاەۆ 2013 جىلى نارىنداعى تٷرمەدەن "دەنساۋلىعىنا بايلانىستى" مەرزٸمٸنەن بۇرىن بوساتىلعان. دەرٸگەرلەردٸڭ بەرگەن انىقتاماسىندا ونىڭ "اۋىر سىرقاتقا ۇشىراعانى" جازىلعان. سول كەزدە ول بٸشكەكتٸڭ حالىقارالىق ەۋەجايىنا جەتكٸزٸلٸپ, گروزنىيعا ۇشىپ كەتكەن. كەيٸن قىرعىزستاننىڭ قۇزىرلى ورگاندارى "باتۋكاەۆ دەنساۋلىعىنا قاتىستى انىقتامانى ٶتٸرٸك جاساتىپ الدى, ونى بوساتۋعا بيلٸكتەگٸلەر ات سالىستى" دەپ مەلٸمدەگەن. 2019 جىلى قىرعىزستان ٸٸم باتۋكاەۆ ٸسٸن قايتا تەرگەگەن.
اتامباەۆقا بۇدان بٶلەك كوي-تاشتاعى وقيعاعا قاتىستى "ادام ٶلتٸرۋ", "كەپٸلگە الۋ", "بۇزاقىلىق", "بيلٸك ٶكٸلٸنە كٷش قولدانۋ" سىندى باپتارمەن دە قىلمىستىق ٸس قوزعالعان.
2019 جىلى 7-8 تامىزدا شۋ وبلىسى الامۋدۋن اۋدانىنداعى كوي-تاش اۋىلىندا "المازبەك اتامباەۆتى تەرگەۋگە مەجبٷرلەپ جەتكٸزۋ" وپەراتسيياسى كەزٸندە كٷشتٸك قۇرىلىمدار مەن ساياساتكەر جاقتاستارى اراسىندا قاقتىعىس بولعان. اۋىر جارالانعان ارنايى جاساق ٶكٸلٸ كٶز جۇمدى, بٸرنەشە ادام زارداپ شەكتٸ. 200-دەن استام ادام جارالاندى. 8 تامىزدا المازبەك اتامباەۆ پەن جاقتاستارى بيلٸككە ٶز ەركٸمەن بەرٸلگەن. ول سودان بەرٸ قاماۋدا وتىر.
