قىرعىزستان پرەزيدەنتٸنٸڭ مٸندەتٸن اتقارۋشى سادىر جاپاروۆ «قر پرەزيدەنتٸ مەن جوعارعى كەڭەس دەپۋتاتتارىن سايلاۋ تۋرالى «قىرعىز رەسپۋبليكاسىنىڭ كونستيتۋتسييالىق زاڭىنىڭ كەيبٸر نورمالارىنىڭ قولدانىلۋىن توقتاتا تۇرۋ تۋرالى» قر كونستيتۋتسييالىق زاڭىنا قول قويدى. بۇل تۋرالى كابار اگەنتتٸگٸ.
قىرعىزستاننىڭ جوعارعى كەڭەسٸ اتالمىش زاڭدى 2020 جىلدىڭ 22 قازانىندا قابىلدادى.
بۇل كونستيتۋتسييالىق زاڭدى قابىلداۋ قاجەتتٸگٸ بٸرقاتار مەن-جايلاردان, سونداي-اق ەلدەگٸ قالىپتاسقان قوعامدىق-ساياسي احۋالدان تۋىنداپ وتىر.
قابىلدانعان زاڭدا كونستيتۋتسييالىق رەفورما جٷرگٸزۋ اياقتالعانعا دەيٸن جوعارعى كەڭەس دەپۋتاتتارىنىڭ قايتا سايلاۋىن ٶتكٸزۋ تەرتٸبٸ رەگلامەنتتەلگەن «جوعارعى كەڭەس پرەزيدەنتٸن جەنە دەپۋتاتتارىن سايلاۋ تۋرالى» قىرعىز كونستيتۋتسييالىق زاڭىنىڭ 38 جەنە 63-باپتارىنىڭ قولدانىسىن توقتاتا تۇرۋ كٶزدەلەدٸ. جوعارعى كەڭەس دەپۋتاتتارىن سايلاۋدى ٶتكٸزۋ مەرزٸمٸ كونستيتۋتسييالىق رەفورما جٷرگٸزٸلگەننەن كەيٸن وسى ەلدٸڭ زاڭناماسىنا سەيكەس, بٸراق 2021 جىلعى 1 ماۋسىمنان كەشٸكتٸرمەي بەلگٸلەنەدٸ.
ەسكە سالساق, 4 قازان كٷنٸ قىرعىزستاندا جوگوركۋ كەنەشكە دەپۋتاتتاردى سايلاۋ ٶتتٸ.دەپۋتاتتىق مانداتقا 16 پارتييا ٷمٸتكەرلٸك ەتتٸ. داۋىس بەرۋدٸڭ الدىن الا مەلٸمەتٸ بويىنشى, 7% مەجەنٸ 4 پارتييا ەڭسەردٸ.
ال, 5 قازان كٷنٸ سايلاۋ نەتيجەسٸنە كٶڭٸلٸ تولماعان بٸر توپ ادام ورتالىق الاڭدا ميتينگ ۇيىمداستىرىپ, ودان كەيٸن اق ٷيگە بەتتەدٸ. ولاردى تارقاتۋ ٷشٸن ميليتسييا كٶز جاساۋراتاتىن گاز, سۋاتقىش جەنە گاز-شۋىلدى قۇرىلعىلار قولدانعان. بٸشكەك ۋاقىتىمەن ساعات 22.00-دەگٸ مەلٸم بويىنشا, اۋرۋحاناعا زارداپ شەككەن 16 ادام جەتكٸزٸلگەن. كەيٸنگٸ مەلٸمەت بويىنشا, زارداپ شەككەن ادامدار سانى 911-گە جەتتٸ.
وسى وقيعالاردان كەيٸن جوعارعى كەڭەستەگٸ سايلاۋ اعىمداعى جىلدىڭ 20 جەلتوقسانىنا جوسپارلانعان بولاتىن.
