Qyrǵyzstan prezidentiniń mindetin atqarýshy Sadyr Japarov «QR Prezidenti men Joǵarǵy Keńes depýtattaryn sailaý týraly «Qyrǵyz Respýblikasynyń Konstitýtsiialyq Zańynyń keibir normalarynyń qoldanylýyn toqtata turý týraly» QR Konstitýtsiialyq Zańyna qol qoidy. Bul týraly Kabar agenttigi.
Qyrǵyzstannyń Joǵarǵy Keńesi atalmysh zańdy 2020 jyldyń 22 qazanynda qabyldady.
Bul Konstitýtsiialyq zańdy qabyldaý qajettigi birqatar mán-jailardan, sondai-aq eldegi qalyptasqan qoǵamdyq-saiasi ahýaldan týyndap otyr.
Qabyldanǵan zańda konstitýtsiialyq reforma júrgizý aiaqtalǵanǵa deiin Joǵarǵy Keńes depýtattarynyń qaita sailaýyn ótkizý tártibi reglamenttelgen «Joǵarǵy Keńes Prezidentin jáne depýtattaryn sailaý týraly» Qyrǵyz Konstitýtsiialyq Zańynyń 38 jáne 63-baptarynyń qoldanysyn toqtata turý kózdeledi. Joǵarǵy Keńes depýtattaryn sailaýdy ótkizý merzimi Konstitýtsiialyq reforma júrgizilgennen keiin osy eldiń zańnamasyna sáikes, biraq 2021 jylǵy 1 maýsymnan keshiktirmei belgilenedi.
Eske salsaq, 4 qazan kúni Qyrǵyzstanda Jogorký Keneshke depýtattardy sailaý ótti.Depýtattyq mandatqa 16 partiia úmitkerlik etti. Daýys berýdiń aldyn ala málimeti boiynshy, 7% mejeni 4 partiia eńserdi.
Al, 5 qazan kúni sailaý nátijesine kóńili tolmaǵan bir top adam ortalyq alańda miting uiymdastyryp, odan keiin Aq úige bettedi. Olardy tarqatý úshin militsiia kóz jasaýratatyn gaz, sýatqysh jáne gaz-shýyldy qurylǵylar qoldanǵan. Bishkek ýaqytymen saǵat 22.00-degi málim boiynsha, aýrýhanaǵa zardap shekken 16 adam jetkizilgen. Keiingi málimet boiynsha, zardap shekken adamdar sany 911-ge jetti.
Osy oqiǵalardan keiin Joǵarǵy Keńestegi sailaý aǵymdaǵy jyldyń 20 jeltoqsanyna josparlanǵan bolatyn.
