قىرعىزستان دەنساۋلىق ساقتاۋ مينيسترلٸگٸنٸڭ باسپاسٶز قىزمەتٸ 20 سەۋٸردە ەكٸ ادامنىڭ ۋقورعاسىننان ۋلانىپ, اۋرۋحاناعا تٷسكەنٸن حابارلادى. مينيسترلٸك مەلٸمەتٸنشە, سەيسەنبٸ كٷنٸ بٸشكەك تراۆموتولوگييا جەنە ورتوپەدييا عىلىمي-زەرتتەۋ ورتالىعىنىڭ توكسيكولوگييا بٶلٸمٸنە 1950 جەنە 1955 جىلعى ەرلٸ-زايىپتىلار جاعدايى اۋىر كٷيدە تٷسكەن. الدىن الا دياگنوز – ۋقورعاسىننان ۋلانۋ.
"پاتسيەنتتەردٸڭ سٶزٸنە قاراعاندا, ولار ۇزاق ۋاقىت ەمدٸك ماقساتىندا ۋقورعاسىن تۇنباسىن ٸشٸپ, جاقىن ارادا دوزاسىن ۇلعايتقان. جٷرەك-قانتامىر قىزمەتٸ قالپىنا كەلگەننەن كەيٸن زارداپ شەككەندەردٸڭ جاعدايى تۇراقتاندى. ينتەنسيۆتٸ تەراپييا جالعاسىپ جاتىر" دەدٸ مينيسترلٸك ٶكٸلدەرٸ.
ۆەدومستۆو سونىمەن بٸرگە 20 سەۋٸردە 1958 جىلعى ەر ادامنىڭ ۇلتتىق كارديولوگييا جەنە تەراپييا ورتالىعىنىڭ رەانيماتسييا بٶلٸمٸنە تٷسكەنٸن ايتتى. بۇعان دەيٸن اقپارات قۇرالدارى ەر ادامنىڭ جەدەل جەردەم قىزمەتٸ ٶكٸلدەرٸنە ۋقورعاسىندى ٸشكەنٸن حابارلاعانىن جازعان. مينيسترلٸكتٸڭ مەلٸمەتٸنشە, ەر ادام اۋرۋحاناعا جاعدايى اۋىر كٷيدە تٷسكەن. ناۋقاستا ەلسٸزدٸك, جٷرەك اينۋى, لوقسۋ, جٷرەك اقاۋى بەلگٸلەرٸ بولعان. الدىن الا دياگنوزى – بەلگٸسٸز زاتپەن ۋلانۋ. ماماندار ۋلى زاتتىڭ قۇرامىن انىقتاپ جاتىر.
15 سەۋٸردە قىرعىزستان پرەزيدەنتٸ سادىر جاپاروۆ Facebook-تاعى پاراقشاسىندا "كوروناۆيرۋستان 1-2 كٷن ٸشٸندە ەمدەيتٸن دەرٸ تابىلعانىن" حابارلاعان. بۇل اقپاراتقا ٸلەسە بٸرنەشە ادامنىڭ ارنايى جابدىقتىڭ كٶمەگٸمەن پلاستيك بٶتەلكەگە سۇيىقتىق قۇيىپ جاتقانى تۋرالى ۆيدەو دا تاراعان. بٶتەلكە سىرتىندا "ىستىقكٶل تامىرى" دەگەن جازۋ بار.
ەرتەسٸندە دەنساۋلىق ساقتاۋ مينيسترٸ الىمكادىر بەيشەناليەۆ باسپاسٶز جيىنىندا مەملەكەت باسشىسىنىڭ دەرٸگەرلەردٸ "قالاي وقىتىپ" جاتقانىن ايتىپ بەرگەن. مينيستردٸڭ ايتۋىنشا, ۋلى ٶسٸمدٸكتٸڭ تۇنباسىن قالاي جاساۋ كەرەكتٸگٸن جاپاروۆ قانا بٸلەدٸ. سونىڭ كٶمەگٸمەن 350-دەن استام ناۋقاس ەمدەلٸپ شىققان-مىس.
بٸرقاتار ساراپشىلار مەن دەرٸگەرلەر شەنەۋنٸككە ىستىقكٶل تامىرى نەمەسە ۋقورعاسىننىڭ ٶتە ۋلى ٶسٸمدٸك ەكەنٸن, تٸپتٸ ونى دەنە سىرتىنا قولدانۋ قاۋٸپتٸ ەكەنٸن ەسكەرتكەن. دٷنيەجٷزٸلٸك دەنساۋلىق ساقتاۋ ۇيىمى كلينيكالىق سىناقتان ٶتپەگەن پرەپاراتتىڭ تٸركەلۋٸ مٷمكٸن ەمەس ەكەنٸن جەنە پايدالانۋعا ۇسىنىلمايتىنىن ايتقان.
بۇعان دەيٸن Facebook جەلٸسٸ "ەلەۋمەتتٸك جەلٸ ەرەجەسٸن بۇزعانى ٷشٸن" سادىر جاپاروۆتىڭ ۋقورعاسىن جايلى جازباسىن ٶشٸرگەن. پرەزيدەنتتٸڭ Instagram-داعى جازباسى دا جويىلعان.
