28 تامىز كٷنٸ قىرعىزستاندا 125 ادامنان كوروناۆيرۋس انىقتالعان. ونىڭ ٸشٸندە ينفەكتسييا جۇقتىرعانى زەرتحانالىق تالداۋمەن راستالعان ناۋقاستار دا, كلينيكالىق بەلگٸلەرٸ بويىنشا كوروناۆيرۋسقا ۇقسايتىن پنەۆمونييا ناۋقاستارى دا بار. بۇل تۋرالى قىرعىزستاننىڭ كوروناۆيرۋسپەن كٷرەس جٶنٸندەگٸ رەسپۋبليكالىق شتابى حابارلادى.
جالال-اباد وبلىسىندا 31 ادامنىڭ, بٸشكەك قالاسىندا 30 ادامنىڭ, باتكەن وبلىسىندا 23, ىستىق-كٶل جەنە وش وبلىستارىندا 13 جەنە 12 ادامنىڭ كوروناۆيرۋس جۇقتىرعانى راستالدى.
ٶتكەن تەۋلٸكتە Covid ٶلٸمٸ تٸركەلمەگەن. ەپيدەمييا باستالعالى قىرعىزستاندا كوروناۆيرۋس اۋرۋىنان بارلىعى 1058 ادامنىڭ قايتىس بولعان. قىرعىزستان دەنساۋلىق ساقتاۋ مينيسترلٸگٸ 18 تامىز كٷنٸ Covid ستاتيستيكاسىن قايتا قاراپ, ٶلٸم سانىن ٷشتەن بٸرگە ازايتىپ كٶرسەتكەن. نەتيجەسٸندە 18 تامىز كٷنٸ تاڭەرتەڭ كوروناۆيرۋستان 1498 ادام قايتىس بولدى دەپ ايتىلسا, سول كٷنٸ كەشكە قايتىس بولعاندار سانى 1053 بولىپ قالدى. مينيسترلٸك ۆيرۋس جۇقتىرعان 437 ادامنىڭ باسقا اۋرۋدان قايتىس بولعان دەدٸ.
بٸر كٷن ٸشٸندە ٷش مەدقىزمەتكەردٸڭ ۆيرۋس جۇقتىرعانى انىقتالعان. قىرعىزستاندا بارلىعى 3126 مەدقىزمەتكەردٸڭ كوروناۆيرۋس ينفەكتسيياسىن جۇقتىرعانى راستالعان. ونىڭ 2440-ى ايىعىپ شىققان.
تەۋلٸك ٸشٸندە 247 ادام جازىلىپ شىققان. ەپيدەمييا باستالعالى ەلدە بارلىعى 43712 ادامنىڭ كوروناۆيرۋس جۇقتىرعانى انىقتالسا, ونىڭ 37 973-ٸ دەرتتەن ايىققان.
