28 tamyz kúni Qyrǵyzstanda 125 adamnan koronavirýs anyqtalǵan. Onyń ishinde infektsiia juqtyrǵany zerthanalyq taldaýmen rastalǵan naýqastar da, klinikalyq belgileri boiynsha koronavirýsqa uqsaityn pnevmoniia naýqastary da bar. Bul týraly Qyrǵyzstannyń koronavirýspen kúres jónindegi respýblikalyq shtaby habarlady.
Jalal-Abad oblysynda 31 adamnyń, Bishkek qalasynda 30 adamnyń, Batken oblysynda 23, Ystyq-Kól jáne Osh oblystarynda 13 jáne 12 adamnyń koronavirýs juqtyrǵany rastaldy.
Ótken táýlikte Covid ólimi tirkelmegen. Epidemiia bastalǵaly Qyrǵyzstanda koronavirýs aýrýynan barlyǵy 1058 adamnyń qaitys bolǵan. Qyrǵyzstan densaýlyq saqtaý ministrligi 18 tamyz kúni Covid statistikasyn qaita qarap, ólim sanyn úshten birge azaityp kórsetken. Nátijesinde 18 tamyz kúni tańerteń koronavirýstan 1498 adam qaitys boldy dep aitylsa, sol kúni keshke qaitys bolǵandar sany 1053 bolyp qaldy. Ministrlik virýs juqtyrǵan 437 adamnyń basqa aýrýdan qaitys bolǵan dedi.
Bir kún ishinde úsh medqyzmetkerdiń virýs juqtyrǵany anyqtalǵan. Qyrǵyzstanda barlyǵy 3126 medqyzmetkerdiń koronavirýs infektsiiasyn juqtyrǵany rastalǵan. Onyń 2440-y aiyǵyp shyqqan.
Táýlik ishinde 247 adam jazylyp shyqqan. Epidemiia bastalǵaly elde barlyǵy 43712 adamnyń koronavirýs juqtyrǵany anyqtalsa, onyń 37 973-i dertten aiyqqan.
