قىرعىزستاندا نارازىلار تالاپ ەتكەن سوڭ بۇرىنعى پرەزيدەنت المازبەك اتامباەۆ, بۇرىنعى پرەمەر-مينيستر ساپار يساكوۆتى قاماۋدان بوساتتى. ازاتتىقتىڭ قىرعىز قىزمەتٸنٸڭ حابارلاۋىنشا, بۇعان قوسا بۇرىنعى دەپۋتات سادىر جاپاروۆ, بۇرىنعى دەپۋتات راۆشان جەەنبەكوۆ تە بوستاندىققا شىققان. المازباەۆتىڭ ادۆوكاتى زاڭ بويىنشا, ولاردىڭ ٸسٸ جاقىن ارادا قايتا قارالىپ, اقتالۋى تيٸس دەپ مەلٸمدەگەن.
قىرعىزستاندا پارلامەنت سايلاۋىنىڭ نەتيجەسٸمەن كەلٸسپەگەن نارازى توپ 5 قازاندا كٷندٸز بٸشكەك ورتالىعىندا ميتينگ ٶتكٸزٸپ, جەەنبەكوۆتٸڭ بيلٸكتەن كەتۋٸن, قايتا سايلاۋ ٶتكٸزۋدٸ تالاپ ەتكەن ەدٸ. كەشكە قاراي پارلامەنت پەن پرەزيدەنت ەكٸمشٸلٸگٸ ماڭىندا نارازىلار مەن پوليتسييا قاقتىعىسىپ قالعان. نارازىلاردى تاراتۋعا تىرىسقان كٷشتٸك قۇرىلىم ٶكٸلدەرٸ كٶزدەن جاس اعىزاتىن گاز, رەزەڭكە وق, تٷتٸن قۇتىلار قولدانعان, سۋ شاشقان. ونداعان ادام جارالانعان. كەيٸنٸرەك نارازى توپ پارلامەنت عيماراتىنا ەنٸپ, پوليتسييا مەن ارنايى جاساق ولارعا ەشقانداي قارسىلىق كٶرسەتپەگەن.
6 قازانعا قاراعان تٷنٸ نارازىلار اق ٷيدٸ باسىپ العاننان كەيٸن ولار مەملەكەتتٸك ۇلتتىق قاۋٸپسٸزدٸك كوميتەتٸ (مۇقك) عيماراتىنا قاراي جىلجىعان. مۇقك عيماراتىن كٷزەتكەن كٷشتٸك قۇرىلىم ٶكٸلدەرٸ قولدارىن كٶتەرٸپ شىعىپ, حالىقپەن بٸرگە ەكەنٸن ايتقان. مۇقك باسشىلىعىمەن كەلٸسسٶز جاساعاننان كەيٸن تەرگەۋ يزولياتوردا قاماۋدا بولعان بۇرىنعى پرەزيدەنت المازبەك اتامباەۆ بٸشكەك ۋاقىتىمەن تاڭعى ساعات 4:30 شاماسىندا بوساپ شىققان. نارازىلار باقىلاۋىنا ٶتكەن قوعامدىق كترك ارناسى جۇرتتى ۇرلىق, توناۋدان اۋلاق جٷرۋگە شاقىرعان.
پرەزيدەنت سوورونباي جەەنبەكوۆ ساياسي كٷشتەر "بەيبٸتشٸلٸك پەن تۇراقتىلىق" ساقتايدى دەپ ٷمٸتتەنەتٸنٸن جەتكٸزگەن. ونىڭ سٶزٸن پرەزيدەنتتٸڭ باسپاسٶز حاتشىسى تولگوناي ستاماليەۆا جەتكٸزگەن. بۇعان دەيٸن ول مەملەكەت باسشىسىنىڭ بٸشكەكتە ەكەنٸن ايتقان.
