قازاقستان قىرعىزستانعا كٶمٸر ەكسپورتتاۋدى شەكتەپ, سونىڭ سالدارىنان ەلدە كٶمٸر باعاسى قىمباتتاپ وتىر, - دەپ حابارلادى ازاتتىقتىڭ قىرعىز رەداكتسيياسىنا وسى ەلدٸڭ ەكونوميكا مينيسترلٸگٸ جانىنداعى ايماقارالىق باسقارماسىنىڭ باستىعى زاينيدين جۇماليەۆ.
ونىڭ سٶزٸنشە, قازاقستاندىق كٶمٸردٸڭ سوڭعى پارتيياسى 19 قازاندا جەتكٸزٸلگەن. قىس-كٷز ماۋسىمى باستالعاننان بەرٸ كٶمٸر ەدەتتە ەر بٸرنەشە كٷندە بٸر جەتكٸزٸلەدٸ.
"رەسمي تٷردە قىرعىزستانعا كٶمٸر ەكسپورتتاۋدى شەكتەۋ تۋرالى ەشقانداي تىيىم جوق. تيٸستٸ ورگاندار شەكتەۋدٸ ۆاگون جەتٸسپەۋشٸلٸگٸ مەن قازاقستاننىڭ ٶزٸندە دە كٶمٸر تاپشى دەگەنمەن تٷسٸندٸرەدٸ. قازٸر قازاقستاندا ٷش مۇناي ٶڭدەۋ زاۋىتىنىڭ ەكەۋٸ جٶندەۋگە جابىلعان. بەنزين تاپشى, سوندىقتان ەلدە كٶمٸرگە سۇرانىس ارتتى" دەيدٸ جۇماليەۆ.
مينيسترلٸك مامانى قىرعىزستان ٶزٸن-ٶزٸ كٶمٸرمەن 60-70 پايىزعا دەيٸن قامتاماسىز ەتە الاتىنىن, قالعانى قازاقستاننان جەتكٸزٸلەتٸنٸن ايتادى. بٸراق قازٸر قىرعىزستاندا كٶمٸر تاپشىلىعى تۋىنداۋ قاۋپٸ جوق.
"كٶمٸر باعاسى قىمباتتايدى. قازٸردٸڭ ٶزٸندە 15 پايىز ٶسكەنٸن بايقاپ وتىرمىز. قىرعىزستان قازاقستانمەن ٷزدٸكسٸز كەلٸسسٶز جٷرگٸزٸپ جاتىر" دەدٸ جۇماليەۆ.
قىرعىزستان ەكونوميكا مينيسترلٸگٸ وسىعان بايلانىستى مەملەكەتتٸڭ ٷش اي مەرزٸمگە كٶمٸر باعاسىن رەتتەۋٸن ۇسىنادى. ۆەدومستۆو قازاقستانمەن شەكاراداعى جاعدايدان كٶمٸر ەكسپورتتتاۋدىڭ شەكتەلۋٸنەن كٶمٸر باعاسى قىمباتتاعانىن ايتادى.
