Qazaqstan Qyrǵyzstanǵa kómir eksporttaýdy shektep, sonyń saldarynan elde kómir baǵasy qymbattap otyr, - dep habarlady Azattyqtyń Qyrǵyz redaktsiiasyna osy eldiń ekonomika ministrligi janyndaǵy aimaqaralyq basqarmasynyń bastyǵy Zainidin Jumaliev.
Onyń sózinshe, qazaqstandyq kómirdiń sońǵy partiiasy 19 qazanda jetkizilgen. Qys-kúz maýsymy bastalǵannan beri kómir ádette ár birneshe kúnde bir jetkiziledi.
"Resmi túrde Qyrǵyzstanǵa kómir eksporttaýdy shekteý týraly eshqandai tyiym joq. Tiisti organdar shekteýdi vagon jetispeýshiligi men Qazaqstannyń ózinde de kómir tapshy degenmen túsindiredi. Qazir Qazaqstanda úsh munai óńdeý zaýytynyń ekeýi jóndeýge jabylǵan. Benzin tapshy, sondyqtan elde kómirge suranys artty" deidi Jumaliev.
Ministrlik mamany Qyrǵyzstan ózin-ózi kómirmen 60-70 paiyzǵa deiin qamtamasyz ete alatynyn, qalǵany Qazaqstannan jetkiziletinin aitady. Biraq qazir Qyrǵyzstanda kómir tapshylyǵy týyndaý qaýpi joq.
"Kómir baǵasy qymbattaidy. Qazirdiń ózinde 15 paiyz óskenin baiqap otyrmyz. Qyrǵyzstan Qazaqstanmen úzdiksiz kelissóz júrgizip jatyr" dedi Jumaliev.
Qyrǵyzstan ekonomika ministrligi osyǵan bailanysty memlekettiń úsh ai merzimge kómir baǵasyn retteýin usynady. Vedomstvo Qazaqstanmen shekaradaǵy jaǵdaidan kómir eksportttaýdyń shektelýinen kómir baǵasy qymbattaǵanyn aitady.
