فوتو: ©️ Tengrinews.kz / تۋرار كازانگاپوۆ
جامبىل وبلىسى تالاس اۋدانىندا 25 جىل بويى قۇجاتسىز ٶمٸر سٷرٸپ كەلگەن ەر ادامعا قاتىستى سوت پروتسەسٸ جٷرٸپ جاتىر. تالاس اۋداندىق پروكۋراتۋراسىنىڭ ارىزى بويىنشا ەر ادامنىڭ قۇجاتتارى رەسٸمدەلگەن, - دەپ حابارلايدى «ۇلت اقپارات» تالاس اۋداندىق سوتىنىڭ باسپاسٶز قىزمەتٸنە سٸلتەمە جاساپ.
تالاس اۋداندىق سوت باسپاسٶز قىزمەتٸنٸڭ ٶكٸلدەرٸ كٷدٸكتٸگە بٶتەننٸڭ مٷلكٸن جاسىرىن جىمقىرۋ سالدارىنان قىلمىستىق ٸس قوزعالعانى تۋرالى مەلٸمدەدٸ, الايدا ونىڭ تۋۋ تۋرالى اكت جازباسى مەن جەكە باسىن انىقتايتىن قۇجاتتارى بولماعان.
"تەجٸكستان رەسپۋبليكاسىنىڭ ەدٸلەت مينيسترلٸگٸنٸڭ كۋبودين اۋدانى بويىنشا ازاماتتاردىڭ حال اكتٸلەرٸن تٸركەۋ بٶلٸمٸنٸڭ سۇراتۋعا بەرگەن جاۋابىنان, ن.-نٸڭ تۋۋ تۋرالى جازباسى جاسالماعانى انىقتالدى. سوتتا كۋەلەر ن. ولاردىڭ تۋعان اعاسى ەكەنٸن راستاپ, ول قازاقستان رەسپۋبليكاسىنىڭ وڭتٷستٸك-قازاقستان وبلىسى شاردارا اۋدانى بٸرلٸك اۋىلىندا تۋىلعانىن جەنە سوندا بٸرگە تۇرعاندارىن ايتقان. الايدا ەكەلەرٸ قايتىس بولعان سوڭ, ولار انالارىمەن بٸرگە تەجٸكستان رەسپۋبليكاسىنا كەتٸپ قالعانىن, ال اعالارى ن. قۇجاتتارى بولماعاندىقتان, قازاقستاندا قالىپ كەتكەنٸن ايتقان", - دەلٸنگەن جامبىل وبلىستىق سوتىنىڭ سايتىندا.
ازاماتتىڭ قۇجاتتاردى باسقا جولمەن الۋعا مٷمكٸندٸگٸ بولماعان, سەبەبٸ ول مەديتسينالىق ۇيىمنان تىس جەردە تۋىلعان جەنە ونىڭ تۋىلعان دەرەگٸ تيٸستٸ تەرتٸپپەن تٸركەلمەگەن, مەديتسينالىق ۇيىممەن بەلگٸلەنگەن ٷلگٸدەگٸ تۋۋ تۋرالى انىقتاما بەرٸلمەگەن. مۇنداي جاعدايدا, سوت, سوت وتىرىسى بارىسىندا انىقتالعان ٸستٸڭ ناقتى مەن-جايلارىن نازارعا الىپ, قويىلعان تالاپتى قاناعاتتاندىرۋ تۋرالى تۇجىرىمعا كەلدٸ.
"شەشٸم زاڭدى كٷشٸنە ەندٸ. ونىڭ نەگٸزٸندە, ازاماتتىڭ تۋۋ تۋرالى اكت جازباسى جازىلىپ, وعان تۋۋ تۋرالى كۋەلٸگٸ مەن جەكە كۋەلٸگٸ بەرٸلگەن", - دەلٸنگەن حابارلامادا.
جامبىل وبلىستىق سوت باسپاسٶز قىزمەتٸنٸڭ ٶكٸلٸ ايناش ماحامبەتوۆانىڭ ايتۋىنشا, ەر ادام قازاقستان ازاماتى, بٸزدٸڭ ەلدە دٷنيەگە كەلگەن, الايدا قۇجاتتارىن رەسٸمدەمەگەن. وعان قر قىلمىستىق كودەكسٸنٸڭ 188-بابى, ياعني ۇرلىق جاساۋ فاكتٸسٸ ايىپ تاعىلعان.
