بەس وبلىستا تٸركەلگەن قۇس تۇماۋىنا بايلانىستى ەلدە جۇمىرتقا تاپشىلىعى تۋىنداۋى مٷمكٸن بە? بۇل سۇراققا اۋىل شارۋاشىلىعى مينيسترلٸگٸنٸڭ مال شارۋاشىلىعى ٶنٸمٸن ٶندٸرۋ جەنە قايتا ٶڭدەۋ دەپارتامەنتٸنٸڭ ديرەكتورى ەركەبۇلان احمەتوۆ جاۋاپ بەردٸ, دەپ حابارلايدى "ۇلت اقپارات".
«قازٸرگٸ تاڭدا قازاقستاندا 35 قۇس اسىراۋ كەشەنٸ جۇمىس ٸستەپ تۇر. ولاردىڭ قۋاتى ٸشكٸ نارىقتىڭ قاجەتتٸگٸن جاۋىپ بەرە الادى. ولار سونىمەن بٸرگە ٶنٸمٸن ەكسپورتقا دا شىعارادى. قازاقستاننىڭ قۇس فابريكالارى جىلىنا 5 ميلليارد جۇمىرتقا ٶندٸرەدٸ. ٸشكٸ نارىق 106 پايىزعا ورىندالىپ وتىر», - دەدٸ ەركەبۇلان احمەتوۆ وكق-دا ٶتكەن باسپاسٶز مەسليحاتىندا.
ونىڭ ايتۋىنشا, جىل باسىنان بەرٸ ەلدە جۇمىرتقانىڭ باعاسى بەس پايىزعا ارزانداعان. ال قۇس تۇماۋى شىققان سولتٷستٸك قازاقستانداعى بەس قۇس فابريكاسى جۇمىرتقا ٶندٸرۋمەن اينالىسادى.
«كارانتين شارالارىنا بايلانىستى ەكٸ قۇس فابريكاسىنىڭ قۋاتى تٶمەندەپ قالدى. الايدا شەكتەۋ بولعانىمەن, قالعان قۇس فابريكالارى ٶز قۋاتىنىڭ ەسەبٸنەن بۇل قاجەتتٸلٸكتٸ جابادى. وبلىس بٷگٸنگٸ كٷنٸ جۇمىرتقا جاعىنان ٶزٸن-ٶزٸ قامتاماسىز ەتٸپ وتىر», - دەدٸ دەپارتامەنت ديرەكتورى.
