Bes oblysta tirkelgen qus tumaýyna bailanysty elde jumyrtqa tapshylyǵy týyndaýy múmkin be? Bul suraqqa Aýyl sharýashylyǵy ministrliginiń mal sharýashylyǵy ónimin óndirý jáne qaita óńdeý departamentiniń direktory Erkebulan Ahmetov jaýap berdi, dep habarlaidy "Ult aqparat".
«Qazirgi tańda Qazaqstanda 35 qus asyraý kesheni jumys istep tur. Olardyń qýaty ishki naryqtyń qajettigin jaýyp bere alady. Olar sonymen birge ónimin eksportqa da shyǵarady. Qazaqstannyń qus fabrikalary jylyna 5 milliard jumyrtqa óndiredi. Ishki naryq 106 paiyzǵa oryndalyp otyr», - dedi Erkebulan Ahmetov OKQ-da ótken baspasóz máslihatynda.
Onyń aitýynsha, jyl basynan beri elde jumyrtqanyń baǵasy bes paiyzǵa arzandaǵan. Al qus tumaýy shyqqan Soltústik Qazaqstandaǵy bes qus fabrikasy jumyrtqa óndirýmen ainalysady.
«Karantin sharalaryna bailanysty eki qus fabrikasynyń qýaty tómendep qaldy. Alaida shekteý bolǵanymen, qalǵan qus fabrikalary óz qýatynyń esebinen bul qajettilikti jabady. Oblys búgingi kúni jumyrtqa jaǵynan ózin-ózi qamtamasyz etip otyr», - dedi departament direktory.
