ماڭعىستاۋداعى قۇرىق پورتى ارقىلى يرانمەن ساۋدا-ساتتىقتى نىعايتۋ ماقساتىندا العاش رەت «قۇرىق-اميراباد» پاروم جەلٸسٸ ٸسكە قوسىلدى. ەندٸ «قۇرىق-اميراباد» پورتتارى اراسىندا تٷرلٸ جٷك پاروم كەشەنٸمەن تاسىمالدانادى. پاروم جەلٸسٸ اياسىندا ماڭعىستاۋعا يراننان «كومپوزيتور راحمانينوۆ» كەمەسٸ كەلدٸ, دەپ حابارلايدى "ۇلت اقپارات".
«كومپوزيتور راحمانينوۆ» - RO-RO تيپتەس كەمە. اتالعان كەمەدە ەرتٷرلٸ قۇرال-جابدىقپەن التى ەۋرو جٷك كٶلٸگٸ كەلدٸ. ونىڭ بٸرەۋٸندە كيۆي جەمٸسٸ بار.
«ەڭ باستىسى – پاروم ارقىلى كٶكٶنٸس پەن جەمٸس-جيدەك تيەلگەن جٷك كٶلٸكتەرٸن تٶگٸلٸپ-شاشىلۋسىز (باسقا كٶلٸككە اۋىستىرىپ جٷكتەمەي) تۇتىنۋشىعا جەتكٸزۋگە مٷمكٸندٸك بار. بٸر پارومدا 32-گە دەيٸنگٸ رەفريجەراتوردا (ەۋرو جٷك كٶلٸگٸ) تەز بۇزىلاتىن تاۋارلاردى تاسىمالداۋعا بولادى. «قۇرىق-اميراباد/ەنزەلي» پاروم جەلٸسٸ يراندىق جەنە قازاقستاندىق كەسٸپكەرلەر ٷشٸن دە قىزىقتى بولاتىنىنا سەنٸمدٸمٸن», - دەيدٸ قۇرىق پورتىنىڭ ماركەتينگ جەنە لوگيستيكا بويىنشا اتقارۋشى ديرەكتور ەلٸبەك ٶتەگەنوۆ.
قۇرىق اۆتوموبيلدٸ ينفراقۇرىلىمى پورت ارقىلى ترانزيت جەنە ەكسپورتتىق-يمپورتتىق باعىتتاعى جٷكتٸ قابىلداۋ مەن جىلدام قىزمەت كٶرسەتۋگە تولىعىمەن دايىن.
بۇعان دەيٸن قۇرىق پورتى ەزٸربايجانمەن عانا پاروم جەلٸسٸن ٸسكە قوسقان بولاتىن.
2020 جىلدىڭ 10 ايىندا قۇرىق پورتى ارقىلى ٶتەتٸن جٷك 1.352 ملن توننانى قۇرادى. كٶرسەتكٸش ٶتكەن جىلمەن سالىستىرعاندا 290 مىڭ تونناعا نەمەسە 21% جوعارى.
ەكسپورتقا مۇناي, استىق جەنە حالىقتىق قولدانىستاعى تاۋارلار جٸبەرلەدٸ. ال يمپورت – زاتتىق ٶنٸمدەر مەن قۇرىلىس ماتەريالدارى سەكٸلدٸ حالىقتىق قولدانىستاعى تاۋارلار.
قۇرىق پورتى اقتاۋ قالاسىنىڭ وڭتٷستٸگٸندە 100 شاقىرىم قاشىقتىقتا ورنالاسقان. پورتتىڭ قۇرىلىسى 2015 جىلدىڭ سەۋٸر ايىندا باستالعان. پورتتىڭ تەمٸر جول پارومدى تەرمينالى 2016 جىلدىڭ 6 جەلتوقسانىندا پايدالانۋعا بەرٸلدٸ.
قۇرىق پورتى باعدارلاماسىنىڭ جىلدىق قۋاتى - 6 ملن توننا.
