قازاقستاندا اۋىلدىق مەكەندەردٸڭ مالىنا 29 ملن گەكتار جايىلىم جەتٸسپەيدٸ. بۇل مەسەلەنٸ جەر رەفورماسى جٶنٸندەگٸ كوميسسييانىڭ ەكونوميكالىق جۇمىس توبىنىڭ باسشىسى اقىلبەك كٷرٸشباەۆ كٶتەردٸ, دەپ حابارلايدى "ۇلت اقپارات".
«قازٸر اۋىلدىق ەلدٸ مەكەندەردٸڭ ەڭ ٶزەكتٸ مەسەلەسٸنٸڭ بٸرٸ – ولاردىڭ اينالاسىنداعى جايىلىم تاپشىلىعىنا بايلانىستى. ستاتيستيكالىق مەلٸمەتكە سەيكەس, اۋىلدىق ەلدٸ مەكەندەردە مال شارۋاشىلىعى ٶنٸمٸنٸڭ 66 پايىزى ٶندٸرٸلەدٸ. مال باسىنىڭ 60 پايىزى وسىندا. ٶزدەرٸڭٸزگە بەلگٸلٸ, اۋىلداعى اعايىننىڭ كٷنكٶرٸسٸ دە وسى مالعا بايلانىستى. ٶكٸنٸشكە قاراي, بۇل وراسان بيولوگييالىق اكتيۆ مەملەكەتتٸك قولداۋدان تىس قالىپ, ەشقانداي تەحنولوگييالىق پروتسەستەرگە تارتىلماي وتىر. مامانداردىڭ ەسەبٸ بويىنشا, ەگەر بٸز تەك قانا مال ازىعىنىڭ ساپاسىن كٶتەرسەك, ەلدٸ مەكەندەردە ٶندٸرٸلەتٸن ەت پەن سٷتتٸڭ ٶنٸمدٸلٸگٸ كەم دەگەندە 30 پايىزعا ۇلعايادى. جۇمىس توبىنىڭ ماماندارى بۇل مەسەلەگە بايلانىستى كٶپتەگەن ۇسىنىستار ەنگٸزدٸ. ەڭ نەگٸزگٸسٸ – اۋىل شارۋاشىلىعىندا پايدالانباي جاتقان جەرلەردٸ ەلدٸ مەكەندەرگە قايتارۋ», - دەدٸ كٷرٸشباەۆ اۋىل شارۋاشىلىعى مينيسترلٸگٸندە ٶتكەن جەر رەفورماسى جٶنٸندەگٸ كوميسسييا وتىرىسىندا.
قر اشم مەلٸمەتٸ بويىنشا, اۋىلدىق مەكەندەردٸڭ مالىنا 29 ملن گەكتار جايىلىم جەتٸسپەيدٸ. ال ۇيىمداستىرىلعان شارۋاشىلىقتاردا 33 ملن گەكتار جايىلىم يگەرٸلمەي جاتىر.
«وعان قوسا, كوميسسييانىڭ ٶتكەن وتىرىسىندا ورمان قورلارىندا ەرەكشە قورعالاتىن ايماقتار شەگٸندە 10 ملن گەكتار جەردٸڭ تيٸمسٸز پايدالانىپ جاتقانىن ايتقانبىز. بٸراق بۇل مەسەلەدە جۇمىس ٸستەپ جاتقان شارۋاشىلىقتارعا ەشقانداي قىسىم, ياعني جەردٸڭ ەكسپروپرياتسيياسى بولماۋى كەرەك. ولارعا ورنىنا باسقا جايىلىمدى جەرلەر بەرٸپ, جۇمساعان شىعىنىن ٶتەپ بەرۋٸمٸز قاجەت. سونىمەن قاتار, اۋىلداردىڭ سانيتارلىق جاعدايىن قامتاماسىز ەتۋ ٶتە ماڭىزدى. بٸز اۋىلداردى قوعامدىق جايىلىمدارمەن قامتاماسىز ەتٸپ, مال شارۋاشىلىعىن تيٸمدٸ دامىتۋ ٷشٸن كووپەراتيۆتەر قۇرىپ, جاڭا فەرمەرلٸك شارۋاشىلىقتاردى ۇيىمداستىرۋىمىز كەرەك. جۇمىس توبىندا جايىلىم تۋرالى زاڭدى كٷشەيتۋ, قوسالقى شارۋاشىلىق تۋرالى ارنايى زاڭ قابىلداۋ ۇسىنىستارى ايتىلدى», - دەيدٸ اقىلبەك كٷرٸشباەۆ.
قورىتىندىلاي كەلە, سپيكەر مەملەكەتتٸڭ بۇل مەسەلەنٸ قىسقا مەرزٸمدە شەشۋگە بارلىق مٷمكٸندٸگٸ بار ەكەنٸن ايتتى.
«185 ملن گەكتار جايىلىمدىق جەرٸ بار جەنە وسى كٶرسەتكٸش بويىنشا ەلەمدە 5-ورىنداعى ەل بولا وتىرىپ, اۋىلدىق جەردەگٸ مالدى اش قۇرساقتا قالدىرۋ – كەشٸرٸلمەيتٸن ەرەكەت. اتالعان مەسەلەنٸ شەشۋدە بارلىق دەڭگەيدەگٸ ەكٸمدەرگە ساياسي ەرٸك پەن تاباندىلىق كەرەك. تٸپتٸ, بۇل جۇمىس ەكٸمدەردٸڭ قىزمەتٸن باعالاۋدىڭ نەگٸزگٸ كٶرسەتكٸشٸ بولۋى كەرەك دەپ سانايمىز. وسى ٸسكە مەملەكەتتٸك اسا ماڭىزى بار ۇلتتىق جوبا رەتٸندە قاراۋعا تيٸسپٸز, ٶيتكەنٸ سول اۋىلداردا تۇراتىن كٶپشٸلٸگٸ – ٶزٸمٸزدٸڭ قازاعىمىز», - دەدٸ جۇمىس توبىنىڭ باسشىسى.
