كەيبٸر ەكٸمدٸكتەر كٷندەلٸكتٸ ٶزدەرٸنٸڭ جۇمىستارىن «رۋحاني جاڭعىرۋعا» بۇرمالاپ جاتىر.
قر پرەزيدەنتٸ نۇرسۇلتان نازارباەۆ «رۋحاني جاڭعىرۋ» باعدارلاماسىنىڭ قالاي ورىندالىپ جاتقانىن ايتىپ, بٸرقاتار ٶڭٸردٸ سىنادى, دەپ حابارلايدى "ۇلت اقپارات" baq.kz پورتالىنا سٸلتەمە جاساپ.
«بٸرقاتار ٶڭٸر «رۋحاني جاڭعىرۋعا» قاتىستى جۇمىستارىمەن تىڭعىلىقتى اينالىسۋدا. حالىقتىڭ كٶپشٸلٸگٸ باعدارلامانى جاقسى قابىلداعانىن بٸلەمٸز. ال كەيبٸر ەكٸمدٸكتەر كٷندەلٸكتٸ ٶزدەرٸنٸڭ جۇمىستارىن «رۋحاني جاڭعىرۋ» اياسىندا اتقارىپ جاتىرمىز دەپ جارييالايدى. مىسالى, جىل سايىنعى مەرەكەلٸك جارىستاردى, فەستيۆالدەردٸ, سپورتتىق شارالاردى «رۋحاني جاڭعىرۋعا» جاتقىزا سالادى», - دەپ توقتالدى پرەزيدەنت.
وسى ورايدا مەملەكەت باسشىسى باعدارلاماعا قاتىستى بۇنداي مەلٸمدەمەلەر تازا بۇرمالاۋ ەكەنٸن ەرٸ «رۋحاني جاڭعىرۋدىڭ» مەرتەبەسٸنە نۇقسان كەلتٸرەتٸنٸن اتاپ ٶتتٸ.
«تٷككە تۇرمايتىن نىسانداردى, باياعى قۇلاپ قالعان قابٸرلەردٸ, مازارلاردى الىپ كەلەدٸ دە «مىناۋ ساكرالدٸ ورىن» دەپ ايتادى. تەلەديداردان كٶردٸم. ول وڭتٷستٸك قازاقستان وبلىسىندا عوي دەيمٸن. قاراتاۋدىڭ باسىندا باياعىدان بەرٸ اعىپ جاتقان سارقىرامانى بٸرنەشە ادام بارىپ كەلٸپ, تٷسٸرٸپ «مىناۋ قازاقستاننىڭ ساكرالدٸ ۋچاستوگٸ» دەيدٸ. بٸز ولارعا وبلىستان بٸرنەرسە تاپ دەپ وتىرعان جوقپىز عوي. جوق بولسا جوق, بار نەرسەنٸ ايتىپ وتىرمىز. سوندىقتان ٶز مٷمكٸندٸكتەرٸن ٸسكە اسىرماي وتىرعان وبلىستار بار. مىسالى, سقو, ماڭعىستاۋ, پاۆلودار وبلىستارى. قوعامدىق سانانى جاڭعىرتۋ دەگەن بٸر جىلمەن عانا شەكتەلمەيتٸن مەسەلە. كٶپ جىل جۇمىس ٸستەيدٸ. جاڭا تەسٸلدٸ تالاپ ەتەتٸن جۇمىس. بٸر جىلدا شەشٸپ تاستايمىز دەپ ماقسات قويىپ وتىرعان جوقپىز. سولاي عوي?»
ەلباسى دەگەنمەن ٶزٸنٸڭ مٷمكٸندٸكتەرٸن ٸسكە اسىرماي وتىرعان وبلىستار بار ەكەنٸن قاداپ ايتتى. بۇل تۇرعىدا سولتٷستٸك قازاقستان, ماڭعىستاۋ, پاۆلودار وبلىستارىندا جۇمىستاردىڭ بەلسەندٸ جٷرگٸزٸلۋٸ كەرەكتٸگٸن تاپسىردى.
