Keibir ákimdikter kúndelikti ózderiniń jumystaryn «Rýhani jańǵyrýǵa» burmalap jatyr.
QR Prezidenti Nursultan Nazarbaev «Rýhani jańǵyrý» baǵdarlamasynyń qalai oryndalyp jatqanyn aityp, birqatar óńirdi synady, dep habarlaidy "Ult aqparat" baq.kz portalyna silteme jasap.
«Birqatar óńir «Rýhani jańǵyrýǵa» qatysty jumystarymen tyńǵylyqty ainalysýda. Halyqtyń kópshiligi baǵdarlamany jaqsy qabyldaǵanyn bilemiz. Al keibir ákimdikter kúndelikti ózderiniń jumystaryn «Rýhani jańǵyrý» aiasynda atqaryp jatyrmyz dep jariialaidy. Mysaly, jyl saiynǵy merekelik jarystardy, festivalderdi, sporttyq sharalardy «Rýhani jańǵyrýǵa» jatqyza salady», - dep toqtaldy Prezident.
Osy oraida Memleket basshysy baǵdarlamaǵa qatysty bundai málimdemeler taza burmalaý ekenin ári «Rýhani jańǵyrýdyń» mártebesine nuqsan keltiretinin atap ótti.
«Túkke turmaityn nysandardy, baiaǵy qulap qalǵan qabirlerdi, mazarlardy alyp keledi de «mynaý sakraldi oryn» dep aitady. Teledidardan kórdim. Ol Ońtústik Qazaqstan oblysynda ǵoi deimin. Qarataýdyń basynda baiaǵydan beri aǵyp jatqan sarqyramany birneshe adam baryp kelip, túsirip «Mynaý Qazaqstannyń sakraldi ýchastogi» deidi. Biz olarǵa oblystan birnárse tap dep otyrǵan joqpyz ǵoi. Joq bolsa joq, bar nárseni aityp otyrmyz. Sondyqtan óz múmkindikterin iske asyrmai otyrǵan oblystar bar. Mysaly, SQO, Mańǵystaý, Pavlodar oblystary. Qoǵamdyq sanany jańǵyrtý degen bir jylmen ǵana shektelmeitin másele. Kóp jyl jumys isteidi. Jańa tásildi talap etetin jumys. Bir jylda sheship tastaimyz dep maqsat qoiyp otyrǵan joqpyz. Solai ǵoi?»
Elbasy degenmen óziniń múmkindikterin iske asyrmai otyrǵan oblystar bar ekenin qadap aitty. Bul turǵyda Soltústik Qazaqstan, Mańǵystaý, Pavlodar oblystarynda jumystardyń belsendi júrgizilýi kerektigin tapsyrdy.
