سەنات تٶراعاسى قاسىم-جومارت توقاەۆ استاناداعى قازاق ۇلتتىق اكادەمييالىق كٸتاپحاناسىندا زاڭعار جازۋشى, قازاقستاننىڭ ەڭبەك ەرٸ ەبٸش كەكٸلباەۆتىڭ 80 جىلدىعى قارساڭىندا قالامگەر اتىنداعى وقۋ زالىنىڭ اشىلۋ سالتاناتىنا قاتىسىپ, سٶز سٶيلەدٸ.
«حالقىمىزدىڭ ماڭدايىنا بٸتكەن زاڭعار جازۋشىسى, ەڭبەك ەرٸ, كٶرنەكتٸ مەملەكەت جەنە قوعام قايراتكەرٸ, قازاق ەدەبيەتٸنٸڭ كلاسسيگٸ ەبٸش كەكٸلباەۆتىڭ ۇلتتىق كٸتاپحانادا ارنايى وقۋ زالى اشىلىپ وتىر. مەنٸڭشە, بۇل ەبٸش اعامىزدىڭ 80 جىلدىعى قارساڭىندا ونىڭ ەسٸمٸن ۇلىقتاۋ جولىنداعى العاشقى قادامداردىڭ بٸرٸ. ۇلت رۋحانيياتىنا ٶلشەۋسٸز ٷلەس قوسقان تۇلعانىڭ ەسٸمٸ, شىن مەنٸندە, حالقىمىزدىڭ ەڭ جوعارى قۇرمەتٸنە لايىق. سوندىقتان وسىنداي يگٸ باستامالاردىڭ عۇمىرى ۇزاق بولارى سٶزسٸز. جاڭا جىلدان باستاپ بۇل جۇمىسقا كٸرٸسۋٸمٸز كەرەك. ٷكٸمەت, تيٸستٸ ەكٸمدٸكتەر قاجەتتٸ جوسپارلاردى دايىنداپ, تيٸستٸ ٸس شارالاردى قولعا الادى دەپ ويلايمىن. بۇل بٷكٸل حالىققا كەرەك ماڭىزدى جۇمىس» ,- دەدٸ ق.توقاەۆ.
ەبٸش كەكٸلباەۆتىڭ قايتالانباس قولتاڭباسى قازاق ەدەبيەتٸنٸڭ عانا ەمەس, ەلەم ەدەبيەتٸنٸڭ قازىناسىنا اينالعانىن ايتقان سەنات تٶراعاسى «كٶسەمسٶز شەبەرٸنٸڭ شىعارماشىلىعى بويىنشا تەرەڭ زەرتتەۋلەر جٷرگٸزۋ - كەلەشەك بۋىن عالىمدارىنىڭ الدىنداعى ماڭىزدى مٸندەت بولۋى تيٸس. سەبەبٸ, ەبٸش كەكٸلباەۆتىڭ ويلارى, فيلوسوفيياسى جەنە جالپى رۋحاني ەلەمٸ مۇحيتتاي تەرەڭ. ەبٸش كەكٸلباەۆتىڭ ەدەبي ەلەمٸ شەكسٸز دٷنيە, كٶپقىرلى, ماعىنالى مۇرا. بٸلٸمٸنٸڭ كٶكجيەگٸ شەكسٸز, بٸرەگەي تۇلعا, ەرٸ جازۋشى, ەرٸ ەدەبيەتتانۋشى, عالىم, تاريحشى, ويشىل, فيلوسوف قانا ەمەس, مەملەكەتٸمٸزدٸڭ دامۋىنا ەلەۋلٸ ەڭبەك سٸڭٸرگەن كٶرنەكتٸ مەملەكەت قايراتكەرٸ. بۇل - ۇلى جازۋشىلاردىڭ اراسىندا ٶتە سيرەك كەزدەسەتٸن قۇبىلىس», - دەپ اتاپ ٶتتٸ.
پرەزيدەنتتٸڭ سەنٸمدٸ سەرٸگٸ بولعان ەبٸش كەكٸلباەۆتىڭ تۋىندىلارىنىڭ يدەيالارى «رۋحاني جاڭعىرۋ» فيلوسوفيياسىنىڭ نەگٸزدەرٸمەن ٷندەسٸپ جاتقانىنا ەرەكشە نازار اۋدارعان قاسىم-جومارت توقاەۆ «پرەزيدەنتتٸڭ «ۇلى دالانىڭ جەتٸ قىرى» يدەولوگيياسى, تٷپتٸڭ تٷبٸندە, قازاق زييالى قاۋىمىنىڭ, جالپى حالقىمىزدىڭ اسىل ارمانىنىڭ كٶرٸنٸسٸ. بٷگٸندە بٷتٸن حالقىمىز ۇلتتىق يدەيانى جاڭعىرتۋ جولىنا بەت بۇردى. وسىلايشا, ەبٸش اعامىزدىڭ ارمانى ٸسكە اسۋدا», - دەدٸ.
سەنات تٶراعاسى ق. توقاەۆ ٶز سٶزٸن قورىتىندىلاي كەلە, جينالعان قاۋىمعا «مارجانسٶز شەبەرٸ, گۋمانيست-عالىم, ۇلتجان-ساياساتكەر ەبٸش كەكٸلباەۆتىڭ شىعارماشىلىعىن, ونىڭ جالپى مۇراسىن ٶسٸپ كەلە جاتقان ۇرپاقتاردىڭ اراسىندا كەڭٸنەن دەرٸپتەۋ – بۇل بٸزدٸڭ بٸرٸنشٸ كەزەكتەگٸ ماقساتىمىز بولۋى تيٸس. وسى باعىتتا كەكٸلباەۆتانۋ ەدەبيەتتانۋ عىلىمىنداعى نەگٸزگٸ پەندەردٸڭ بٸرٸ بولىپ قالىپتاسۋى قاجەت. بٸز قوعام رەتٸندە تيٸستٸ ەرەكەت جاساپ, بۇل جۇمىستى باقىلاۋعا الۋىمىز كەرەك», - دەگەن وي تاستادى.
سەنات تٶراعاسى كٶتەرٸپ وتىرعانداي, عالىمدار مەن ەدەبيەتشٸلەر ۇلى قالامگەردٸڭ مول مۇراسىن كەلەر ۇرپاققا جەتكٸزۋ جولىنداعى جۇمىستاردى بەلسەندٸ ەرٸ مۇقييات جٷرگٸزسە, ەبٸش كەكٸلبايۇلىنىڭ جارقىن بەينەسٸ حالقىمىزدىڭ جادىندا مەڭگٸلٸك ساقتالا بەرەتٸنٸ كٷمەنسٸز.
ەدٸلبەك قابا
