قر سىرتقى ٸستەر مينيسترلٸگٸنە قىرعىز رەسپۋبليكاسى ٸستەرٸ جٶنٸندەگٸ ۋاقىتشا ٶكٸل كايناربەك توكتومۋشەۆ شاقىرتىلدى, دەپ حابارلادى قر سٸم باسپاسٶز قىزمەتٸ.
اتالعان كەزدەسۋدە قازاقستان سىرتقى ٸستەر مينيسترٸنٸڭ ورىنباسارى عالىمجان قويشىباەۆ قىرعىز ديپلوماتىنا قىرعىزستان پرەزيدەنتٸ المازبەك اتامباەۆتىڭ 2017 جىلدىڭ 17 اقپانىندا Euronews تەلەارناسىنا بەرگەن سۇحباتىنداعى پٸكٸرٸنە قاتىستى «تاڭدانىس پەن نارازىلىق بٸلدٸرٸلگەن» نوتانى تابىستادى.
بۇعان دەيٸن قىزرعىز بيلٸگٸ 2010 جىلى كٶرشٸ ەلدە بولعان داعدارىستى جاعدايدى رەتتەۋدەگٸ قازاقستان رٶلٸن بٸرنەشە رەت اتاپ ٶتكەن ەدٸ. كٶپتەگەن حالىقارالىق قۇرىلىمدار دا وعان جوعارى باعا بەرگەن.
بۇل مەسەلە بويىنشا استانانىڭ رەسمي پوزيتسيياسى 2010 جىلعى 19 مامىردا قر سٸم مەلٸمدەمەسٸندە باياندالعان. اتاپ ايتار بولساق, وندا «2010 جىلدىڭ سەۋٸرٸندە بولعان قايعىلى وقيعالاردىڭ العاشقى كٷنٸنەن باستاپ, قازاقستاننىڭ باۋىرلاس حالىققا ەكٸجاقتى نەگٸزدە كٶمەك پەن قولداۋ كٶرسەتكەنٸ» باسا ايتىلعان.
ەقىۇ تٶراعاسى بولعان قازاقستان تەز ارادا قر مەجٸلٸسٸ تٶراعاسىنىڭ ورىنباسارى, ىنتىماقتاستىق بويىنشا قازاقستاندىق-قىرعىزستاندىق پارلامەنت توبىنىڭ جەتەكشٸسٸ, ەلشٸ جەنٸبەك كەرٸبجانوۆتى بٸشكەكتەگٸ ارنايى ەقىۇ ەلشٸسٸ ەتٸپ تاعايىندادى.
ودان بٶلەك, قر پرەزيدەنتٸنٸڭ قىرعىزستانداعى ارنايى ەلشٸسٸ تاعايىندالدى, ول قىرعىزستاننىڭ ۋاقىتشا ٷكٸمەتٸ باسشىلىعىمەن بٸرقاتار كەزدەسۋلەر ٶتكٸزٸپ, داعدارىستى جاعدايدان شىعۋ جولدارىن تالقىلادى.
سونىمەن بٸرگە, قازاقستان قىسقا مەرزٸم ٸشٸندە ٶز كٶرشٸسٸنە كٶمەكتەر مەن كٷشتەر جٸبەردٸ جەنە ەلدەگٸ ەگٸس ناۋقانىنا قولداۋ كٶرسەتٸپ, تەز ارادا جانارماي مەن تۇقىم جەتكٸزدٸ. جالپى العاندا, قىرعىزستانعا 11,6 ميلليون دوللاردان استام سوماعا قازاقستاندىق گۋمانيتارلىق كٶمەك جٸبەرٸلدٸ.
قازاقستان قابىلداعان وسى جەنە ٶزگە شارالاردىڭ نەتيجەسٸندە كٶپتەگەن ادام شىعىنىنا ەكەپ سوعاتىن ۋشىعۋلار ورىن العان جوق.
قورىتىندىلاي كەلە, قازاقستاندىق تاراپ ەكٸ حالىق اراسىنداعى دەستٷرلٸ باۋىرلاس قارىم-قاتىناستارعا جەنە قازاقستان رەسپۋبليكاسى مەن قىرعىز رەسپۋبليكاسى اراسىنداعى وداقتىق قارىم-قاتىناستار شارتىنا بەيٸل ەكەندٸگٸن مەلٸمدەيدٸ.
