نۇرسۇلتان نازارباەۆ وبلىستاردىڭ, استانا جەنە الماتى قالالارىنىڭ ەكٸمدەرٸمەن كەڭەس ٶتكٸزدٸ, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
مەملەكەت باسشىسى جيىن بارىسىندا وبلىستار مەن رەسپۋبليكالىق ماڭىزى بار قالالاردىڭ ەكٸمدەرٸنە ازىق-تٷلٸك باعاسىنىڭ تۇراقتىلىعىن باقىلاۋ جەنە تاريفتەردٸ رەتتەۋ مەسەلەسٸن نازاردا ۇستاۋ قاجەتتٸگٸن ايتتى.
ەلباسى وبلىستاردا جىلىتۋ ماۋسىمىن ٸركٸلٸسسٸز جٷرگٸزۋدٸڭ ماڭىزدىلىعىن اتاپ ٶتتٸ.
سونداي-اق, قازاقستان پرەزيدەنتٸ ٷكٸمەتكە وبلىستار ەكٸمدەرٸمەن بٸرلەسٸپ, كٶكتەمدەگٸ سۋ تاسقىنى قاۋپٸنٸڭ الدىن الۋ جەنە ونى بولدىرماۋ جٶنٸندە شارالار قابىلداۋدى تاپسىردى.
مەملەكەت باسشىسى ەرٸگەن قاردىڭ سۋىن توعاندارعا جيناپ, ولاردى اۋىل شارۋاشىلىعى قاجەتتٸلٸگٸنە پايدالانۋ مٷمكٸندٸكتەرٸن قاراستىرۋدى ۇسىندى.
- حالىق سانى ەكٸ مىڭنان اساتىن اۋىلدىق ەلدٸ مەكەندەردە جەرگٸلٸكتٸ ٶزٸن-ٶزٸ باسقارۋ جٷيەسٸ ەنگٸزٸلەتٸن بولادى. بۇل - بيۋدجەتتٸڭ تٶرتٸنشٸ دەڭگەيٸ. جەرگٸلٸكتٸ جەرلەرگە سالىقتىڭ 7 تٷرٸن جيناۋ مٷمكٸندٸگٸ بەرٸلدٸ, سونداي-اق قاراجات شىعىسى 19 باعىت بويىنشا جٷزەگە اسىرىلادى. الدىن الا جاسالعان تالداۋ بويىنشا, اۋىلدىق وكرۋگتەردٸڭ 11 پايىزى عانا ٶزدەرٸن قامتاماسىز ەتٸپ, ٶز كٸرٸسٸ ەسەبٸنەن شىعىندارىن جابا الادى. سوندىقتان ٷكٸمەت وبلىستار باسشىلارىمەن بٸرلەسە وتىرىپ, وسى مەسەلەنٸ دە باقىلاۋعا الۋعا تيٸس, - دەدٸ نۇرسۇلتان نازارباەۆ.
سونىمەن بٸرگە, قازاقستان پرەزيدەنتٸ ەلٸمٸزدٸ دامىتۋ جوبالارى مەن باعدارلامالارىنىڭ ماڭىزدى سيپاتقا يە بولىپ وتىرعانىن حالىققا كەڭٸنەن تٷسٸندٸرۋ جەنە بۇل ٸسكە «نۇر وتان» پارتيياسىن تارتۋ قاجەتتٸگٸن اتاپ ٶتتٸ.
باسقوسۋ بارىسىندا استانا قالاسىنىڭ, قىزىلوردا, قاراعاندى جەنە شىعىس قازاقستان وبلىستارىنىڭ ەكٸمدەرٸ ٶڭٸرلەردەگٸ احۋال تۋرالى باياندادى.
