قر پرەمەر-مينيسترٸ اسقار مامين تاۋ-كەن مەتاللۋرگييا كەشەنٸن دامىتۋ مەسەلەلەرٸ جٶنٸندە كەڭەس ٶتكٸزدٸ, دەپ حابارلايدى primeminister.kz.
سالانى دامىتۋ جەنە ۇسىنىلاتىن قولداۋ شارالارى تۋرالى ۇلتتىق ەكونوميكا مينيسترٸ رۋسلان دەلەنوۆ, يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ, تمك كەسٸپورىندارىن مازۋتپەن جەنە ديزەل وتىنىمەن قامتاماسىز ەتۋ تۋرالى ەنەرگەتيكا مينيسترٸ نۇرلان نوعاەۆ, تابيعاتتى قورعاۋ ٸس-شارالارى تۋرالى گەولوگييا, ەكولوگييا جەنە تابيعي رەسۋرستار مينيسترٸ ماعزۇم مىرزاعاليەۆ, تمك سالالىق كەسٸپورىندارىنداعى احۋال تۋرالى قاراعاندى وبلىسىنىڭ ەكٸمٸ جەڭٸس قاسىمبەك, سونداي-اق «ارسەلور ميتتال تەمٸرتاۋ» اق, «قازمىرىش» جشس, «ERG» كومپانييالار توبى جەنە ت. ب. ٶكٸلدەرٸ باياندادى.
تاۋ-كەن ٶندٸرٸسٸ سالاسى — قر ەكونوميكاسىنىڭ نەگٸزگٸ سالالارىنىڭ بٸرٸ, وسى جىلدىڭ ٸ توقسانىندا وڭ قارقىن كٶرسەتە وتىرىپ, ٶسٸم ٶتكەن جىلدىڭ سەيكەس كەزەڭٸمەن سالىستىرعاندا 5%-دى قۇرادى.
كەڭەسكە قاتىسۋشىلار ققس قايتارۋدى جەدەلدەتۋ جەنە شەگٸن ۇلعايتۋ, تيٸمدٸلٸگٸ تٶمەن كەن ورىندارى ٷشٸن پايدالى قازبالاردى ٶندٸرۋگە سالىناتىن سالىق مٶلشەرلەمەلەرٸن تٶمەندەتۋ, «كەدەندٸك اۋماقتا قايتا ٶڭدەۋ» رەجيمٸ ٷشٸن كەدەندٸك تەكسەرۋلەردٸ شەكتەۋ جولىمەن, كەدەندٸك باقىلاۋ رەسٸمدەرٸن جەڭٸلدەتۋ جەنە ت. ب. سەكٸلدٸ تاۋ-كەن سەكتورى كەسٸپورىندارىن مەملەكەتتٸك قولداۋ شارالارىن قاراستىردى.
قر پرەمەر-مينيسترٸ اسقار مامين تمك كەسٸپورىندارىندا جۇمىس ورىندارىن ساقتاۋ جەنە سالانى ودان ەرٸ دامىتۋدى ىنتالاندىرۋ ماقساتىندا ۇسىنىلعان شارالار توپتاماسىن قولدادى.
