QR Premer-Ministri Asqar Mamin taý-ken metallýrgiia keshenin damytý máseleleri jóninde keńes ótkizdi, dep habarlaidy primeminister.kz.
Salany damytý jáne usynylatyn qoldaý sharalary týraly ulttyq ekonomika ministri Rýslan Dálenov, indýstriia jáne infraqurylymdyq damý ministri Beibit Atamqulov, TMK kásiporyndaryn mazýtpen jáne dizel otynymen qamtamasyz etý týraly energetika ministri Nurlan Noǵaev, tabiǵatty qorǵaý is-sharalary týraly geologiia, ekologiia jáne tabiǵi resýrstar ministri Maǵzum Myrzaǵaliev, TMK salalyq kásiporyndaryndaǵy ahýal týraly Qaraǵandy oblysynyń ákimi Jeńis Qasymbek, sondai-aq «Arselor Mittal Temirtaý» AQ, «Qazmyrysh» JShS, «ERG» kompaniialar toby jáne t. b. ókilderi baiandady.
Taý-ken óndirisi salasy — QR ekonomikasynyń negizgi salalarynyń biri, osy jyldyń I toqsanynda oń qarqyn kórsete otyryp, ósim ótken jyldyń sáikes kezeńimen salystyrǵanda 5%-dy qurady.
Keńeske qatysýshylar QQS qaitarýdy jedeldetý jáne shegin ulǵaitý, tiimdiligi tómen ken oryndary úshin paidaly qazbalardy óndirýge salynatyn salyq mólsherlemelerin tómendetý, «kedendik aýmaqta qaita óńdeý» rejimi úshin kedendik tekserýlerdi shekteý jolymen, kedendik baqylaý rásimderin jeńildetý jáne t. b. sekildi taý-ken sektory kásiporyndaryn memlekettik qoldaý sharalaryn qarastyrdy.
QR Premer-Ministri Asqar Mamin TMK kásiporyndarynda jumys oryndaryn saqtaý jáne salany odan ári damytýdy yntalandyrý maqsatynda usynylǵan sharalar toptamasyn qoldady.
