سوت ەنەرگەتيكا ۆيتسە-مينيسترٸ عاني سەدٸبەكوۆتٸ ەكٸ ايعا قاماۋعا الۋ تۋرالى ٷكٸم شىعاردى, - دەپ حابارلايدى "ۇلت اقپارات" ەلوردالىق سوت باسپاسٶز قىزمەتٸنە سٸلتەمە جاساپ.
2 ناۋرىزدا استانا قالاسىنىڭ الماتى اۋداندىق № 2 سوتى كٷدٸكتٸ عاني سەدٸبەكوۆ پەن سەرٸكباي جۇمالينوۆتى قاماۋعا الۋ تۋرالى بۇلتارتپاۋ شاراسىن قاراستىردى.
"سوت ٷكٸمٸمەن كٷدٸكتٸلەردٸ ەكٸ اي مەرزٸمگە قاماۋعا الۋ تٷرٸندە بۇلتارتپاۋ شاراسى شىعارىلدى. 3 ناۋرىزدا استانا قالاسىنىڭ الماتى اۋداندىق № 2 سوتى كٷدٸكتٸ بەكزات قادىربەرلين مەن جان نۇربەكوۆتى 2 اي مەرزٸمگە قاماۋ تۋرالى ٷكٸم شىعارعان ەدٸ", - دەلٸنگەن سوت باسپاسٶز قىزمەتٸنٸڭ ٶكٸلدەرٸ.
ەسكە سالايىق, ەنەرگەتيكا ۆيتسە-مينيسترٸ عاني سەدٸبەكوۆ پەن بٸرنەشە لاۋازىمدى تۇلعا جەمقورلىق دەرەگٸ بويىنشا ۇستالعان-تىن.
"سىبايلاس جەمقورلىققا قارسى كٷرەس ۇلتتىق ٸس-قيمىل بيۋروسىنىڭ قىزمەتكەرلەرٸ ەنەرگەتيكا مينيسترلٸگٸنٸڭ بٸرنەشە لاۋازىمدى تۇلعاسىن ۇستادى. ەنەرگەتيكا ۆيتسە-مينيسترٸ عاني سەدٸبەكوۆ "ايماق" جشس مەردٸگەرلٸك ۇيىمىنىڭ باسشىسى دۋانبەك د.-مەن بٸرٸگە وتىرىپ, بيۋدجەتتەن اسا ٸرٸ كٶلەمدەگٸ قاراجاتتى جىمقىرعان. ول قاراجات ششۋچينسك-بۋراباي كۋرورتتىق ورنىندا ٶزەندٸ تازالاۋعا ارنالعان قاراجات بولعان. وسى قىلمىسقا ەنەرگەتيكا مينيسترلٸگٸنٸڭ دەپارتامەنت باسشىسى نۇربەكوۆ ج. مەن مەردٸگەر كومپانييانىڭ ٶكٸلدەرٸ جۇمالينوۆ س. مەن قادىربەرلين ب. قاتىسقان. سەدٸبەكوۆ قول قويعان جالعان اكتٸلەردٸڭ نەتيجەسٸندە ەنەرگەتيكا مينيسترلٸگٸ 2017 جىلى ورىندالعان جۇمىستاردىڭ ٷلكەن كٶلەمٸ ٷشٸن 3,6 ميلليارد تەڭگە تٶلەدٸ. وسى سومادان 1 ميلليارد تەڭگەدەن اسا اقشا قولما-قول تٶلەمگە اينالدىرىلعان. تەكسەرٸس كەزٸندە بۇل اقشالار تەركٸلەندٸ", - دەلٸنگەن ۆەدومستۆونىڭ حابارلاماسىندا.
"2018 جىلى ٶزەن تازالاۋعا بٶلٸنگەن تاعى 1,5 ميلليارد تەڭگەنٸ جىمقىرۋ دەرەگٸنە توسقاۋىل قويىلدى. سەدٸبەكوۆ, نۇربەكوۆ, دۋانبەك, جۇمالينوۆ جەنە قادىربەرلين ۇستالدى. سوتقا دەيٸنگٸ تەرگەۋ جٷرگٸزٸلٸپ جاتىر", - دەپ حابارلادى اگەنتتٸك ٶكٸلٸ نۇرلان جاحين.
عاني سەدٸبەكوۆ 1967 جىلى 23 قازاندا دٷنيەگە كەلگەن. تٷرلٸ جىلدارى (12.2009 - 12.2010 جىلدار)جامبىل وبلىسى ەكٸمٸ اپپاراتىندا باسشى قىزمەتٸن, 2010-2013 جىلدار ارالىعىندا جامبىل وبلىسى ەكٸمٸنٸڭ ورىنباسارى, 2013-2016 جىلدارى پاۆلودار وبلىسى ەكٸمٸنٸڭ ورىنباسارى قىزمەتتەرٸن اتقاردى.
ال ەنەرگەتيكا ۆيتسە-مينيسترٸ قىزمەتٸنە 2016 جىلدىڭ 3 مامىرىندا كەلدٸ.
