قر بٸلٸم جەنە عىلىم كوميتەتٸ تٶراعاسىنىڭ ورىنباسارى بولىپ بولات نۇرلانۇلى كەڭەسوۆ تاعايىندالدى.
بۇل تۋرالى بٸلٸم جەنە عىلىم ۆيتسە-مينيسترٸ ميراس دەۋلەنوۆ Facebook پاراقشاسىندا جازدى, دەپ حابارلايدى قازاقپارات تٸلشٸسٸ.
بولات نۇرلانۇلى جاڭا قىزمەتكە تاعايىندالعانعا دەيٸن ەل-فارابي اتىنداعى قازۇۋ فيزيكا-حيمييالىق تالداۋ جەنە زەرتتەۋ ورتالىعىنىڭ ديرەكتورى قىزمەتٸن اتقارعان. ول قازاق ۇلتتىق ۋنيۆەرسيتەتٸنٸڭ تٷلەگٸ, 2007 جىلى كانديداتتىق ديسسەرتاتسيياسىن قورعاعان. Wageningen University (نيدەرلاند), Iowa State University (اقش), University of Barcelona (يسپانييا) جەنە Gdansk University of Technology (پولشا) سىندى شەتەلدٸك جوعارى وقۋ ورىندارىندا تاعىلىمدامادان ٶتكەن.
بولات كەڭەسوۆ – 100-دەن استام عىلىمي جۇمىستىڭ اۆتورى, ونىڭ ٸشٸندە بەدەلدٸ حالىقارالىق عىلىمي جۋرنالداردا 26 ماقالاسى جارىق كٶرگەن. ولاردىڭ 13-ٸ بٸرٸنشٸ كۆارتيل قاتارىنداعى بەدەلدٸ باسىلىمداردا جارييالانعان. حيرش يندەكسٸ بويىنشا كٶرسەتكٸشتەرٸ – 11 (Web of Science) جەنە 13 (Scopus).
قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى قورى سىيلىعىنىڭ لاۋرەاتى, قر بعم جانىنداعى جاس عالىمدار كەڭەسٸنٸڭ بەلدٸ مٷشەسٸ بولات نۇرلانۇلىنىڭ جەتەكشٸلٸگٸمەن 1 كانديداتتىق جەنە 5 Ph.D ديسسەرتاتسييالارى قورعالدى.
