QR Bilim jáne ǵylym komiteti tóraǵasynyń orynbasary bolyp Bolat Nurlanuly Keńesov taǵaiyndaldy.
Bul týraly Bilim jáne ǵylym vitse-ministri Miras Dáýlenov Facebook paraqshasynda jazdy, dep habarlaidy QazAqparat tilshisi.
Bolat Nurlanuly jańa qyzmetke taǵaiyndalǵanǵa deiin Ál-Farabi atyndaǵy QazUÝ Fizika-himiialyq taldaý jáne zertteý ortalyǵynyń direktory qyzmetin atqarǵan. Ol Qazaq ulttyq ýniversitetiniń túlegi, 2007 jyly kandidattyq dissertatsiiasyn qorǵaǵan. Wageningen University (Niderland), Iowa State University (AQSh), University of Barcelona (Ispaniia) jáne Gdansk University of Technology (Polsha) syndy sheteldik joǵary oqý oryndarynda taǵylymdamadan ótken.
Bolat Keńesov – 100-den astam ǵylymi jumystyń avtory, onyń ishinde bedeldi halyqaralyq ǵylymi jýrnaldarda 26 maqalasy jaryq kórgen. Olardyń 13-i birinshi kvartil qataryndaǵy bedeldi basylymdarda jariialanǵan. Hirsh indeksi boiynsha kórsetkishteri – 11 (Web of Science) jáne 13 (Scopus).
Qazaqstan Respýblikasynyń Tuńǵysh Prezidenti – Elbasy Qory syilyǵynyń laýreaty, QR BǴM janyndaǵy Jas ǵalymdar keńesiniń beldi múshesi Bolat Nurlanulynyń jetekshiligimen 1 kandidattyq jáne 5 Ph.D dissertatsiialary qorǵaldy.
