1 تامىزدا استانادا ەلەمگە ەيگٸلٸ پوپ-جۇلدىز دجەننيفەر لوپەستٸڭ كونتسەرتٸ دٷركٸرەپ ٶتتٸ. بٸراق قازاقستاندىقتار كٶنتسەرتتٸ ەر تٷرلٸ قابىلداپ, جانجاقتى پٸكٸرلەر بٸلدٸرٸپ جاتىر. بۇل تۋرالى Ult.kz تٸلشٸسٸ حابارلايدى.
«اباي – 180 SOS! بويكوت لوپەس!!! »
«ەگەر لوپەس دەل ابايدىڭ 180 جىلدىق مەرەيتويى رەسمي باستالعان 1 تامىز كٷنٸ استانادا كونتسەرت بەرٸپ, دەل ابايدىڭ يۋبيلەيٸ مەرەسٸنە جەتەتٸن 10 تامىز كٷنٸ الماتىدا كونتسەرتٸن تەمامداماعاندا مەن بۇل شاراعا ەشتەڭە دەمەس ەدٸم», ‒ دەگەن دەستٷرلٸ ەنشٸ, ٶنەرتانۋشى ەرلان تٶلەۋتاي ابايدىڭ 180 جىلدىعى مەرەيتويى دجەننيفەر لوپەس كونتسەرتٸنٸڭ تاساسىندا ەلەۋسٸز قالدى دەپ قىنجىلىس بٸلدٸردٸ.
فوتو: ەرلان تٶلەۋتاي / opennews.kz
ول بۇل تۋرالى ٶزٸنٸڭ فەيسبۋك پاراقشاسىندا جازدى.
«مٸنە بٷگٸن اباي تويى باستالعالى ٷشٸنشٸ كٷن, ايتىڭىزدارشى, 180-گە كەلٸپ جاتقان قازاقتىڭ باس اقىنى تۋرالى جىلت ەتكەن جارتى جول اقپارات بار ما, بارلىق باق مەن كٷللٸ ەلەۋجەلٸ بٸتكەن لوپەستٸڭ ك*تٸنٸڭ اينالاسىندا بٶرٸنٸڭ كٶتٸندەي شۋلاسۋدا. بۇل دەگەن ٷكٸمەت بەكٸتكەن ابايدىڭ رەسمي تويى لوپەستٸڭ بٶكسەسٸ تۋدىرعان الاپات اقپارات تاسقىنىنىڭ استىندا قالدى دەگەن سٶز!» ‒ دەپ اشۋلاندى ٶنەرتانۋشى.
ەرلان تٶلەۋتاي دجەننيفەر لوپەستٸڭ ٶزٸندە شارۋاسى جوق, بٸراق ونىڭ كٶنتسەرتٸن ابايدىڭ 180 جىلدىق مەرەيتويى ۋاقىتىنا قويعان ۇيىمداستىرۋشىلار مەن بيلٸككە شٷيلٸكتٸ.
«ٶيتكەنٸ بٸزدٸڭ ۇلتسىزداندىرىلعان ياعني دەناتسيوناليزاتسييالانعان بيلٸك لوپەستٸڭ كونتسەرتٸن اباي تويى ٶتەتٸن كٷندەرگە قاساقانا قويىپ, ەدەيٸ ٸستەپ وتىر جەنە وسىنى جاساتىپ وتىرعاننىڭ ٸشٸندە بٸر ورىس جوق, بەرٸ ٶز قازاعىڭنىڭ بالاسىنىڭ قولىمەن ٸستەلۋدە. سونداعى كٶزدەگەندەرٸ – اباي مەرەيتويىن مەدەني ماڭىزىنان ايىرۋ, ونىڭ رۋحاني سيپاتىن جويۋ. وسىلايشا ابايدىڭ حالىق الدىنداعى بيٸك تۇلعاسىن تٶمەندەتۋ ارقىلى ۇلى ويشىل مۇراسىن دەساكراليزاتسييا جاساۋ. قىسقاسى, قازاق حالقىنىڭ الدىندا ۇلتتىڭ باس اقىنىن, ۇلى ويشىلىن نيكتو قىلۋ!» ‒ دەدٸ تٶلەۋتاي.
وسىلاي دەگەن ٶنەرتانۋشى حالىقتى 10 تامىز كٷنٸ الماتىدا ٶتەتٸن دجەننيفەر لوپەستٸڭ كونتسەرتٸنە بويكوت جارييالاۋعا شاقىردى.
سونىمەن قاتار ەلەۋمەتتٸك جەلٸدە دجەننيفەر لوپەستٸڭ ساحنالىق وبرازىن سىنعا الىپ, ونىڭ كيٸمٸ تىم بەيەدەپ, ەرسٸ, ەرٸ اشىق-شاشىق دەپ سىناپ جاتقان دا ادامدار بار. سونداي-اق ونىڭ بيٸ, جٷرٸس تۇرىسى دا كٶڭٸلدەرٸنەن شىقپايتىندار كەزدەسەدٸ.
«ستريپتيز-شوۋدى ەنەرگييامەن شاتاستىرادى»
ٶزدەرٸن ساۋاتتىمىن دەپ جٷرگەندەر ستريپتيز-شوۋدى ەنەرگييامەن شاتاستىرادى دەپ ەسەپتەيدٸ جۋرناليست سەۋلە ەبٸلداحانقىزى.
فوتو: سەۋلە ەبٸلداحانقىزىنىڭ فەيسبۋك پاراقشاسىنان
«بۇل - بار بولعانى ستريپتيز-شوۋ عانا... ونداعان ساعاتتىق ستسەناريي, رەپەتيتسييا, پوستانوۆكا, كوماندا... جەنە "سەكس سالاسىنداعى" جەكە تەجٸريبەسٸ مەن دوزانىڭ, ميلليونداعان اقشانىڭ قۇدٸرەتٸ... ال ەنەرگييا - ول ەنەرگييا...
ماقتاۋلى كەمپٸرلەرٸڭنٸڭ ستريپتيز-شوۋىنان ناشاقورلىق پەن ازعىندىقتىڭ عانا ەنەرگيياسى كٶرٸنەدٸ... », ‒ دەپ سىنادى جۋرناليست.
ال ەنشٸنٸڭ سىرت كەلبەتٸن پلاستيكالىق وتانىڭ نەتيجەسٸ دەپ ەسەپتەيدٸ ول.
«پلاستيكالىق وپەراتسييامەن جاسالعان جاساندى تٷرٸن "كەرەمەت" دەپ تامسانىپ, "كوستيۋمدەرٸ كەرەمەت بولدى" دەپ وتىرعاندار سوقىر-اۋ... قايدان, قانداي كوستيۋم كٶرٸپ تۇرسىڭدار? كۋپالنيك, تۇرسيدٸ قاشاننان بەرٸ كوستيۋم دەيتٸن بولعانسىڭدار? », ‒ دەگەن سەۋلە ەبٸلداحانقىزى لوپەس كونتسەرتٸن اباي كٷندەرٸنە قويۋى - ۇيىمداستىرۋشىلاردىڭ, مينيسترلٸكتٸڭ ەدەيٸ ٸستەگەنٸ, بۇل جٷيەنٸڭ قازاق رۋحانيياتىنا دا, ابايعا دا تٷكٸرگەنٸ دەپ سانايتىنىن ايتتى.
«ازعىن بوپ اناشا, ەسٸرتكٸنٸ ناسيحاتتادى ما?»
جازۋشى, جۋرناليست قانات تٸلەۋحان دجەننيفەر لوپەستٸ سىناپ جاتقاندار تۋرالى پٸكٸر بٸلدٸردٸ. ول «دەننيفەردٸ سىناپ جاتقاندار كونتسەرتٸنە باردى ما?» دەپ سۇراق قويدى.
فوتو: قانات تٸلەۋحان / kitap.kz
«ەڭگٸمەنٸڭ بەرٸ ونىڭ بٶكسەسٸ. توق بٶكسە كٶرۋگە ەركەكتٸڭ بەرٸ قۇمار ەمەس پە? ونىڭ جاندى داۋىستا ەن سالعانى, الپىسقا كەلٸپ قالسا دا بيلەۋٸ نەگە سٶز ەمەس? بٶكسە دەمەكشٸ بٶكسەنٸڭ كٶكەسٸن كٶلگە بارعاندا كٶرٸپ جٷرگەن جوقسىڭدار ما? عالامتوردا ونسىزدا تولىپ جاتىر عوي. ەلدە شىڭعىسحان زامانىنداعىداي تەرٸ جامىلىپ الىپ جايلاۋعا كٶشكەندە, جايلاۋدان تٷسكەندە سۋعا تٷسەسٸزدەر مە?
لوپەس كٸم? بٸر رٶلٸ ٷشٸن قارشاداي كەزٸندە بٸر ملن دوللار تاپقان تالانت. ەلەمگە مەشھٷر گولليۆۋدتتىڭ داڭق الەياسىنا ەسٸمٸ قاشالعان اكتريسا. كينوداعى سول ٶنەرٸ ٷشٸن وسكاردان كەيٸنگٸ مىقتى «التىن گلوبۋس» بەيگەسٸن جەڭٸپ العان. بٸر جىلدارى فورستىڭ جازۋى بويىنشا ەلەمدەگٸ ەڭ ىقپالدى ەيەلدەردٸڭ قاتارىنا كٸردٸ.
بٸرەۋلەر ازعىن دەيدٸ. ازعىن بوپ اناشا, ەسٸرتكٸنٸ ناسيحاتتادى ما? وتباسىلىق قۇندىلىققا قارسى ما? كەرٸسٸنشە جاقىندا رەسەيگە كونتسەرت ٶتكٸزۋدەن باس تارتقان اقپار شىقتى. رەپۋتاتسيياما ەسەر ەتەدٸ دەپتٸ ەنشٸ», ‒ دەيدٸ قانات تٸلەۋحان.
«ٶنەردە شەكارا جوق»
سونىمەن قاتار ول «اباي تويىندا ماسقارا بولدىق» دەپ جاتقاندارعا جاۋاپ بەرٸپتٸ.
«سول اباي ايتقانداي ٶنەرٸ مەن ەڭبەگٸمەن ٶزگەلەردەن وزعان جان ەمەس پە?! ٶنەردە شەكارا جوق. استانا مەن الماتىدا كٶرەرمەنٸ بار. نەگە ولار كٶرمەۋٸ كەرەك. قايتا ۇلى اقىنىمىزدىڭ تويىندا ابايىمىزدى وعان تانىستىرايىق. ەيگٸلٸ امەريكالىق ساياحاتشى د. كەناننىڭ جازبالارىندا اباي جايلى دەرەك بارىن كٶرسەتەيٸك», ‒ دەپ ايتتى ول.
دجەنيفەر لوپەس بارعاندار نەگە قازاق ەنشٸلەرٸنە بارمايدى دەگەن دە ەڭگٸمە جٷر. بۇل تۋرالى جۋرناليست بىلاي دەيدٸ:
«بٸزدٸڭ ديماش اقش, انگليياعا باردى. قازاقتا نەمٸز بار, ٶز ەنشٸلەرٸمٸزدٸ تىڭدايىق دەپ ديماشتان كٸم تەرٸس اينالدى. الماتىعا دا كەپ جاتىر ديماش ٷشٸن. سوندا امەريكالىق ەنشٸنٸ قازاق بولماعانى ٷشٸن تىڭداماۋ كەرەك پە? كەرٸسٸنشە سالافان پاكەت پەن سالاتتىڭ ورتاسىندا قالعان بٸزدٸڭ شوۋ بيزنەس ٶكٸلدەرٸنە قوزعاۋ بولسىن دەيٸك», ‒ دەپ جازادى ق. تٸلەۋحان ٶزٸنٸڭ فەيسبۋك پاراقشاسىندا.
«مەدەنيەت دەگەن, تٸپتٸ, عىلىم-بٸلٸم دە ەمەس»
ەلەۋمەتتٸك جەلٸ قولدانۋشىسى مەرۋەرت التىنبەك دجەننيفەر لوپەستٸڭ كيٸمٸنە بولا ونى قارالاپ, ار-نامىسىنا تيەتٸن سٶزدەر ايتىپ جاتقاندار بار ەكەنٸن تٸلگە تيەك ەتٸپ, مۇنىڭ مەدەنيەتسٸزدٸك ەكەنٸن جەتكٸزدٸ.
«وبال-ساۋاپتى بٸلمەيتٸندەر جەنٸپەردٸ ناقاق قارالاپ, "كٶتٸمەن ەن ايتادى" دەپ, تٸپتٸ, ار- نامىسىنا تيەتٸن سٶزدەر ايتا باستاپتى. قازاقشا بٸلمەيتٸندٸكتەن سوتقا ارىزدانىپ, قاقىسىن قورعاي المايتىن بولعاسىن, ۇياتتان ەمەس, تەك تاياقتان ىعاتىندار ويىنا كەلگەنٸن ايتا بەرەدٸ دە...
ۇيات پەن مەدەنيەتتٸڭ جوقتاۋشىسى بولۋ دەگەن-بٸرەۋدٸ ٶز مەنتاليتەتٸڭە كٷشتەپ كٶندٸرۋ, ال باعىنباعاندى "اقىماق", "ارسىزعا" تەلۋ ەمەس قوي. سوسىن, مەدەنيەت پەن ار-ۇياتتىڭ- كيمەشەك پەن قوس ەتەك كٶيلەكتٸڭ تٶڭٸرەگٸمەن شەكتەلمەيتٸنٸ بالاعا دا بەلگٸلٸ شىعار. مەدەنيەت دەگەن, تٸپتٸ, عىلىم-بٸلٸم دە ەمەس. قىرىق جىل وقىساڭ دا, كەۋدەڭ تەسٸك بولسا-تەسٸك شەلەككە سۋ تۇرمايدى. مەدەنيەت ‒ ٶزگەنٸڭ ەڭبەگٸن, قاقىسىن, قالاۋىن قۇرمەتتەي وتىرىپ, ٶزٸڭ دە ادالدىقتان, ەدٸلەتتەن اتتاپ, جۇرتقا قييانات جاساماۋ! مەدەنيەت دەگەن-ٶزٸڭنٸڭ ساسىق كٶكٸرەگٸڭ مەن, تويىمسىز مەنٸڭنٸڭ ىعىنا جىعىلىپ كەتٸپ, ٶزگەنٸ قۇربان ەتٸپ الماۋ. ۇيات پەن مەدەنيەت ‒ ەگٸز. بٸراق, ونى ادامنىڭ كيٸمٸنەن, بٸلٸمٸنەن, بايلىعىنان, اتاق-مانسابىنان تابا المايسىڭ. ادامنىڭ ۇياتى مەن مەدەنيەتٸنٸڭ ٶلشەمٸن-ونىڭ ٶزگەلەرمەن قالاي قارىم-قاتىناس جاسايتىنىنا قاراپ قانا باعامداۋ مٷمكٸن.
بٸز ادامنىڭ رۋحاني ٸشكٸ مەدەنيەتٸن سٶز ەتٸپ وتىرمىز. تالاس بولماس ٷشٸن ايتا كەتەيٸك», ‒ دەيدٸ ول ٶزٸنٸڭ جەلٸدەگٸ پاراقشاسىندا», ‒ دەيدٸ مەرۋەرت التىنبەك.
ايتا كەتەيٸك, ەلەمگە ەيگٸلٸ ەنشٸ, اكتريسا دجەننيفەر لوپەستٸڭ 1 تامىزدا استانادا ٶتكەن كونتسەرتٸنە 25 مىڭنان استام ادام بارعان. ال الماتىدا ٶتەتٸن كونتسەرتٸ 10 تامىزعا جوسپارلانعان. دەل وسى ون كٷن ارالىعىندا قازاقتٸڭ دانىشپان-ويشىلى, فيلوسوف, اقىنى اباي قۇنانبايۇلىنىڭ 180 جىلدىق مەرەيتويى اتاپ ٶتٸلٸپ جاتىر.
10 تامىز ابايدىڭ تۋعانىنا 180 جىل تولادى.
بالجان جەڭٸسقىزى
