1 tamyzda Astanada álemge áigili pop-juldyz Djennifer Lopestiń kontserti dúrkirep ótti. Biraq qazaqstandyqtar kóntsertti ár túrli qabyldap, janjaqty pikirler bildirip jatyr. Bul týraly Ult.kz tilshisi habarlaidy.
«ABAI – 180 SOS! BOIKOT LOPES!!! »
«Eger Lopes dál Abaidyń 180 jyldyq mereitoiy resmi bastalǵan 1 tamyz kúni Astanada kontsert berip, dál Abaidyń iýbileii máresine jetetin 10 tamyz kúni Almatyda kontsertin támamdamaǵanda men bul sharaǵa eshteńe demes edim», ‒ degen dástúrli ánshi, ónertanýshy Erlan Tóleýtai Abaidyń 180 jyldyǵy mereitoiy Djennifer Lopes kontsertiniń tasasynda eleýsiz qaldy dep qynjylys bildirdi.
Foto: Erlan Tóleýtai / opennews.kz
Ol bul týraly óziniń feisbýk paraqshasynda jazdy.
«Mine búgin Abai toiy bastalǵaly úshinshi kún, aityńyzdarshy, 180-ge kelip jatqan qazaqtyń bas aqyny týraly jylt etken jarty jol aqparat bar ma, barlyq BAQ men kúlli áleýjeli bitken Lopestiń k*tiniń ainalasynda bóriniń kótindei shýlasýda. Bul degen Úkimet bekitken Abaidyń resmi toiy Lopestiń bóksesi týdyrǵan alapat aqparat tasqynynyń astynda qaldy degen sóz!» ‒ dep ashýlandy ónertanýshy.
Erlan Tóleýtai Djennifer Lopestiń ózinde sharýasy joq, biraq onyń kóntsertin Abaidyń 180 jyldyq mereitoiy ýaqytyna qoiǵan uiymdastyrýshylar men bilikke shúilikti.
«Óitkeni bizdiń ultsyzdandyrylǵan iaǵni denatsionalizatsiialanǵan bilik Lopestiń kontsertin Abai toiy ótetin kúnderge qasaqana qoiyp, ádeii istep otyr jáne osyny jasatyp otyrǵannyń ishinde bir orys joq, bári óz qazaǵyńnyń balasynyń qolymen istelýde. Sondaǵy kózdegenderi – Abai mereitoiyn mádeni mańyzynan aiyrý, onyń rýhani sipatyn joiý. Osylaisha Abaidyń halyq aldyndaǵy biik tulǵasyn tómendetý arqyly uly oishyl murasyn desakralizatsiia jasaý. Qysqasy, qazaq halqynyń aldynda ulttyń Bas aqynyn, uly oishylyn nikto qylý!» ‒ dedi Tóleýtai.
Osylai degen ónertanýshy halyqty 10 tamyz kúni Almatyda ótetin Djennifer Lopestiń kontsertine boikot jariialaýǵa shaqyrdy.
Sonymen qatar áleýmettik jelide Djennifer Lopestiń sahnalyq obrazyn synǵa alyp, onyń kiimi tym beiádep, ersi, ári ashyq-shashyq dep synap jatqan da adamdar bar. Sondai-aq onyń bii, júris turysy da kóńilderinen shyqpaityndar kezdesedi.
«Striptiz-shoýdy energiiamen shatastyrady»
Ózderin saýattymyn dep júrgender striptiz-shoýdy energiiamen shatastyrady dep esepteidi jýrnalist Sáýle Ábildahanqyzy.
Foto: Sáýle Ábildahanqyzynyń feisbýk paraqshasynan
«Bul - bar bolǵany striptiz-shoý ǵana... ondaǵan saǵattyq stsenarii, repetitsiia, postanovka, komanda... jáne "seks salasyndaǵy" jeke tájiribesi men dozanyń, milliondaǵan aqshanyń qudireti... Al energiia - ol energiia...
Maqtaýly kempirlerińniń striptiz-shoýynan nashaqorlyq pen azǵyndyqtyń ǵana energiiasy kórinedi... », ‒ dep synady jýrnalist.
Al ánshiniń syrt kelbetin plastikalyq otanyń nátijesi dep esepteidi ol.
«Plastikalyq operatsiiamen jasalǵan jasandy túrin "keremet" dep tamsanyp, "kostiýmderi keremet boldy" dep otyrǵandar soqyr-aý... Qaidan, qandai kostiým kórip tursyńdar? Kýpalnik, tursidi qashannan beri kostiým deitin bolǵansyńdar? », ‒ degen Sáýle Ábildahanqyzy Lopes kontsertin Abai kúnderine qoiýy - uiymdastyrýshylardyń, ministrliktiń ádeii istegeni, bul júieniń qazaq rýhaniiatyna da, Abaiǵa da túkirgeni dep sanaitynyn aitty.
«Azǵyn bop anasha, esirtkini nasihattady ma?»
Jazýshy, jýrnalist Qanat Tileýhan Djennifer Lopesti synap jatqandar týraly pikir bildirdi. Ol «Denniferdi synap jatqandar kontsertine bardy ma?» dep suraq qoidy.
Foto: Qanat Tileýhan / kitap.kz
«Áńgimeniń bári onyń bóksesi. Toq bókse kórýge erkektiń bári qumar emes pe? Onyń jandy daýysta án salǵany, alpysqa kelip qalsa da bileýi nege sóz emes? Bókse demekshi bókseniń kókesin kólge barǵanda kórip júrgen joqsyńdar ma? Ǵalamtorda onsyzda tolyp jatyr ǵoi. Álde Shyńǵyshan zamanyndaǵydai teri jamylyp alyp jailaýǵa kóshkende, jailaýdan túskende sýǵa túsesizder me?
Lopes kim? Bir róli úshin qarshadai kezinde bir mln dollar tapqan talant. Álemge máshhúr Gollivýdttyń dańq aleiasyna esimi qashalǵan aktrisa. Kinodaǵy sol óneri úshin Oskardan keiingi myqty «Altyn globýs» báigesin jeńip alǵan. Bir jyldary Forstyń jazýy boiynsha álemdegi eń yqpaldy áielderdiń qataryna kirdi.
Bireýler azǵyn deidi. Azǵyn bop anasha, esirtkini nasihattady ma? Otbasylyq qundylyqqa qarsy ma? Kerisinshe jaqynda Reseige kontsert ótkizýden bas tartqan aqpar shyqty. Repýtatsiiama áser etedi depti ánshi», ‒ deidi Qanat Tileýhan.
«Ónerde shekara joq»
Sonymen qatar ol «Abai toiynda masqara boldyq» dep jatqandarǵa jaýap beripti.
«Sol Abai aitqandai óneri men eńbegimen ózgelerden ozǵan jan emes pe?! Ónerde shekara joq. Astana men Almatyda kórermeni bar. Nege olar kórmeýi kerek. Qaita Uly aqynymyzdyń toiynda Abaiymyzdy oǵan tanystyraiyq. Áigili amerikalyq saiahatshy D. Kenannyń jazbalarynda Abai jaily derek baryn kórseteiik», ‒ dep aitty ol.
Djenifer Lopes barǵandar nege qazaq ánshilerine barmaidy degen de áńgime júr. Bul týraly jýrnalist bylai deidi:
«Bizdiń Dimash AQSh, Angliiaǵa bardy. Qazaqta nemiz bar, óz ánshilerimizdi tyńdaiyq dep Dimashtan kim teris ainaldy. Almatyǵa da kep jatyr Dimash úshin. Sonda amerikalyq ánshini qazaq bolmaǵany úshin tyńdamaý kerek pe? Kerisinshe salafan paket pen salattyń ortasynda qalǵan bizdiń shoý biznes ókilderine qozǵaý bolsyn deiik», ‒ dep jazady Q. Tileýhan óziniń feisbýk paraqshasynda.
«Mádeniet degen, tipti, ǵylym-bilim de emes»
Áleýmettik jeli qoldanýshysy Merýert Altynbek Djennifer Lopestiń kiimine bola ony qaralap, ar-namysyna tietin sózder aityp jatqandar bar ekenin tilge tiek etip, munyń mádenietsizdik ekenin jetkizdi.
«Obal-saýapty bilmeitinder Jeniperdi naqaq qaralap, "Kótimen án aitady" dep, tipti, ar- namysyna tietin sózder aita bastapty. Qazaqsha bilmeitindikten sotqa aryzdanyp, qaqysyn qorǵai almaityn bolǵasyn, uiattan emes, tek taiaqtan yǵatyndar oiyna kelgenin aita beredi de...
Uiat pen mádeniettiń joqtaýshysy bolý degen-bireýdi óz mentalitetińe kúshtep kóndirý, al baǵynbaǵandy "aqymaq", "arsyzǵa" telý emes qoi. Sosyn, mádeniet pen ar-uiattyń- kimeshek pen qos etek kóilektiń tóńiregimen shektelmeitini balaǵa da belgili shyǵar. Mádeniet degen, tipti, ǵylym-bilim de emes. Qyryq jyl oqysań da, keýdeń tesik bolsa-tesik shelekke sý turmaidy. Mádeniet ‒ ózgeniń eńbegin, qaqysyn, qalaýyn qurmettei otyryp, óziń de adaldyqtan, ádiletten attap, jurtqa qiianat jasamaý! Mádeniet degen-ózińniń sasyq kókiregiń men, toiymsyz menińniń yǵyna jyǵylyp ketip, ózgeni qurban etip almaý. Uiat pen mádeniet ‒ egiz. Biraq, ony adamnyń kiiminen, biliminen, bailyǵynan, ataq-mansabynan taba almaisyń. Adamnyń uiaty men mádenietiniń ólshemin-onyń ózgelermen qalai qarym-qatynas jasaitynyna qarap qana baǵamdaý múmkin.
Biz adamnyń rýhani ishki mádenietin sóz etip otyrmyz. Talas bolmas úshin aita keteiik», ‒ deidi ol óziniń jelidegi paraqshasynda», ‒ deidi Merýert Altynbek.
Aita keteiik, álemge áigili ánshi, aktrisa Djennifer Lopestiń 1 tamyzda Astanada ótken kontsertine 25 myńnan astam adam barǵan. Al Almatyda ótetin kontserti 10 tamyzǵa josparlanǵan. Dál osy on kún aralyǵynda qazaqtiń danyshpan-oishyly, filosof, aqyny Abai Qunanbaiulynyń 180 jyldyq mereitoiy atap ótilip jatyr.
10 tamyz Abaidyń týǵanyna 180 jyl tolady.
Baljan Jeńisqyzy
