قايرات قوجامجاروۆ باستاعان بٸر توپ سەناتور ەسكەري قۇرىلىمداردىڭ جانار-جاعارماي ساقتايتىن قويمالارىنىڭ ساپاسى مەن قاۋٸپسٸزدٸگٸ مەسەلەسٸن كٶتەرٸپ, ٷكٸمەت باسشىسىنا دەپۋتاتتىق ساۋال جولدادى, دەپ حابارلايدى قازاقپارات.
«بٸزدٸ الاڭداتىپ وتىرعان كٷردەلٸ جاعداي – ەلٸمٸزدەگٸ ەسكەري قۇرامداردىڭ جانار-جاعارماي ساقتايتىن قويمالارىنىڭ ساپاسى مەن قاۋٸپسٸزدٸگٸ. سەبەبٸ بيىل قورعانىس مينيسترلٸگٸنٸڭ اتالمىش قويمالارىنىڭ 85 پايىزىنىڭ قىزمەت كٶرسەتۋ مەرزٸمٸ ٶتٸپ كەتكەن. ال كەلەسٸ جىلى ولاردىڭ بەرٸ دە جارامسىز بولماق. سول سيياقتى شەكارا قىزمەتٸ مەن ۇلتتىق ۇلاننىڭ جابدىقتالۋى 52 جەنە 30 پايىزدى قۇرايدى. وتىننىڭ قاجەتتٸ قورى بولماسا, نە ول ساپاسىز بولسا ەسكەري تەحنيكا جەدەل تٷردە, ەسٸرەسە تٶتەنشە جاعدايلاردا ٶز مٸندەتتەرٸن ورىنداي المايدى», - دەدٸ قايرات قوجامجاروۆ پارلامەنت سەناتىنىڭ وتىرىسىندا.
ونىڭ ايتۋىنشا جاقىندا قاراعاندى وبلىسىنىڭ ەسكەري بٶلٸمدەرٸنٸڭ بٸرٸندە جارامسىز قويمادان جارتى ميلليارد تەڭگەنٸڭ جانارمايى اعىپ كەتكەنٸن ايتىپ ٶتتٸ.
«مۇنداي وقيعالار ەكولوگيياعا كەلتٸرٸلەتٸن زالالدى ايتپاعاندا ەسكەري قىزمەتكەرلەر مەن جاقىن ماڭداعى ەلدٸمەكەندەردٸڭ تۇرعىندارىنىڭ ٶمٸرٸ مەن دەنساۋلىعىنا قاۋٸپ تۋعىزادى. ٶكٸنٸشكە قاراي تۋرا بٸر جىل بۇرىن مۇنداي قايعىلى جاعداي وڭتٷستٸك ٶڭٸردە ورىن الىپ, ادام ٶلٸمٸ مەن وراسان زور ماتەريالدىق زالالعا سوقتىردى», - دەدٸ ول.
سەناتور وسى جىلدىڭ ناۋرىزىندا مەملەكەت باسشىسى قاسىم-جومارت توقاەۆ قورعانىس مينيسترٸمەن كەزدەسۋ بارىسىندا وق-دەرٸلەردٸ ساقتاۋ نىساندارىنىڭ, پوليگونداردىڭ, ەسكەري قالاشىقتاردىڭ جەنە جالپى ەسكەري كٷشتەردٸڭ ينفراقۇرىلىمىن جەتٸلدٸرۋ بويىنشا قاجەتتٸ جۇمىستاردى جٷرگٸزۋدٸ تاپسىرعانىن ەسكە سالدى.
«مەملەكەتتٸك قورعانىس تاپسىرىسى اياسىندا وسى مەسەلەنٸ تٷكپٸلٸكتٸ شەشۋدٸ سۇرايمىز», - دەدٸ قايرات قوجامجاروۆ.
