فوتو: اشىق دەرەككٶز
قوستاناي وبلىسىنداعى جىلۋ جەلٸلەرٸن رەكونسترۋكتسييالاۋدى اياقتاۋعا ٷكٸمەت رەزەرۆٸنەن شامامەن 2,2 ملرد تەڭگە بٶلٸندٸ. تيٸستٸ قاۋلىعا پرەمەر-مينيستر ولجاس بەكتەنوۆ قول قويدى, دەپ حابارلايدى Ult.kz.
قاراجات قوستاناي, جٸتٸقارا, ارقالىق قالالارىن جىلۋمەن جابدىقتاۋ جەنە رۋدنىيدى سۋمەن جابدىقتاۋ نىساندارىن جٶندەۋگە باعىتتالدى.
قوستاناي قالاسىنىڭ جەو باس بۋ قۇبىرىن رەكونسترۋكتسييالاۋعا 188 ملن تەڭگە باعىتتالدى. بۇل نىسان 1955 جىلى پايدالانۋعا بەرٸلگەن.
بۋ قۇبىرىنا سوڭعى ٸشٸنارا جٶندەۋ 2012 جىلى جٷرگٸزٸلگەن. جاڭعىرتۋ قىسقى كەزەڭدە جەو جۇمىسىنىڭ سەنٸمدٸلٸگٸن ارتتىرۋعا مٷمكٸندٸك بەرەدٸ.
جٸتٸقارا قالاسىندا 11 شاعىن اۋداندا جىلۋ جەلٸلەرٸن جٶندەۋگە 389 ملن تەڭگە بٶلٸندٸ, ونىڭ 269 ملن تەڭگەسٸ ى. التىنسارين كٶشەسٸ جەنە 205 ملن-ى جٸبەك جولى كٶشەسٸ بويىنشا. بۇل جىلۋ جەلٸلەرٸ 183 كٶپپەتەرلٸ ٷي, 2,5 مىڭ از قاباتتى ٷيمەن قاتار, قالا قۇرىلىسىنىڭ ەدەۋٸر ماسسيۆتەرٸن قامتيدى. جىلۋ ەنەرگيياسىن تۇتىنۋشىلاردىڭ جالپى سانى 15,5 مىڭ ابونەنتتٸ قۇرايدى.
جالپى, قالانىڭ جىلۋ جەلٸلەرٸنٸڭ ۇزىندىعى 78 شاقىرىم, ونىڭ ٸشٸندە ماگيسترالدىق جەلٸلەرٸ – 7,53 شاقىرىم.
سونداي-اق جۇمىستار ارقالىق قالاسىندا دا جٷرگٸزٸلۋدە, وندا جىلۋ جەلٸلەرٸن رەكونسترۋكتسييالاۋ بويىنشا جوبانىڭ ٷشٸنشٸ كەزەگٸن جٷزەگە اسىرۋعا شامامەن 645 ملن تەڭگە باعىتتالدى. 2025 جىلعا ەسەپتەۋلەرگە سەيكەس جالپى ۇزىندىعى 10 شاقىرىم بولاتىن 1,6 شاقىرىم جەلٸنٸ جاڭارتۋ جوسپارلانۋدا. بۇل جەلٸگە جالپى بٸلٸم بەرەتٸن مەكتەپپەن قاتار 300 ابونەنت قوسىلعان.
رۋدنىي قالاسىنىڭ سۋمەن جابدىقتاۋ جٷيەسٸن رەكونسترۋكتسييالاۋ جوباسى 500 ملن تەڭگەگە قارجىلاندىرىلدى. اتاپ ايتقاندا, قاراجات 1978 جىلى پايدالانۋعا بەرٸلگەن قالانىڭ №2 سٷزگٸ ستانساسىن جاڭعىرتۋعا جۇمسالادى. جوبا رۋدنىي قالاسىن, قاشار جەنە گورنياتسك كەنتتەرٸن, سونداي-اق ٶنەركەسٸپتٸك نىسانداردى — بارلىعى 122 مىڭنان استام ادامدى ٷزدٸكسٸز جەنە ساپالى سۋمەن جابدىقتاۋدى, سونداي-اق جىلىتۋ ماۋسىمىنىڭ اپاتسىز ٶتۋٸن قامتاماسىز ەتەدٸ.
ٷكٸمەت قابىلداعان جاڭعىرتۋ شارالارى ٶڭٸردەگٸ ينجەنەرلٸك ينفراقۇرىلىمدى ەدەۋٸر نىعايتۋعا, جىلۋ جەنە سۋمەن جابدىقتاۋ نىساندارىنىڭ سەنٸمدٸلٸگٸ مەن تيٸمدٸلٸگٸن ارتتىرۋعا, شىعىنداردى ازايتۋعا, تۇرعىندار مەن ەلەۋمەتتٸك ماڭىزى بار نىسانداردى جىلۋمەن جەنە سۋمەن قامتاماسىز ەتۋگە مٷمكٸندٸك بەرەدٸ.
