قازاقستاننىڭ كٶلٸك عىلىمي-زەرتتەۋ ينستيتۋتى مەن قىتايدىڭ China TransInfo Group كومپانيياسى ينتەللەكتۋالدى كٶلٸك جٷيەلەرٸ مەن ۇشقىشسىز تەحنولوگييالار سالاسىندا بٸرلەسكەن قۇزىرەت ورتالىعىن قۇرۋ تۋرالى كەلٸسٸمگە قول قويدى. بۇل تۋرالى قازاقستاننىڭ كٶلٸك مينيسترلٸگٸ حابارلادى.
ىنتىماقتاستىقتىڭ نەگٸزگٸ باعىتتارىنىڭ بٸرٸ — قىتاي مەن قازاقستان اراسىنداعى حالىقارالىق باعىتتا اۆتونومدى جٷك تاسىمالىنىڭ پيلوتتىق جوباسىن ٸسكە قوسۋ.
سونىمەن قاتار ورتالىق اياسىندا كٶلٸك قۇرالدارىنىڭ سالماعى مەن گاباريتتەرٸن اۆتوماتتى تٷردە باقىلاۋ جٷيەسٸن ەنگٸزۋ, سونىڭ ٸشٸندە كٶلٸك قوزعالىسى كەزٸندە سالماق ٶلشەۋ تەحنولوگيياسىن پايدالانۋ كٶزدەلگەن.
سونداي-اق اۆتونومدى كٶلٸك جٷرگٸزۋدٸ سىنايتىن ارنايى پوليگون سالۋ جەنە سالالىق اقپاراتتىق جٷيەلەردٸ بٸرٸكتٸرٸپ, كٶلٸك وپەراتسييالارىن باسقارۋ ورتالىعىن قۇرۋ مەسەلەسٸ قاراستىرىلادى.
مينيسترلٸكتٸڭ مەلٸمدەۋٸنشە, بۇل باستاما قازاقستاننىڭ ينتەللەكتۋالدى كٶلٸك ينفراقۇرىلىمىن دامىتۋعا, عىلىمي-تەحنيكالىق ەلەۋەتٸن ارتتىرۋعا جەنە حالىقارالىق كٶلٸك دەلٸزدەرٸنە زاماناۋي تەحنولوگييالاردى ەنگٸزۋگە باعىتتالعان.
