قر پرەزيدەنتٸ جانىنداعى سىبايلاس جەمقورلىققا قارسى ٸس-قيمىل مەسەلەلەرٸ جٶنٸندەگٸ كوميسسييانىڭ وتىرىسى ٶتتٸ, دەپ حابارلايدى اقوردا.
بٷگٸن قازاقستان رەسپۋبليكاسىنىڭ مەملەكەتتٸك حاتشىسى قىرىمبەك كٶشەرباەۆتىڭ تٶراعالىعىمەن قازاقستان رەسپۋبليكاسى پرەزيدەنتٸ جانىنداعى سىبايلاس جەمقورلىققا قارسى ٸس-قيمىل مەسەلەلەرٸ جٶنٸندەگٸ كوميسسييانىڭ وتىرىسى ٶتتٸ.
وتىرىستا ٶڭٸرلەردٸ دامىتۋدىڭ 2020 جىلعا دەيٸنگٸ مەملەكەتتٸك باعدارلاماسىن ٸسكە اسىرۋعا بٶلٸنگەن قارجىنىڭ تيٸمدٸ پايدالانۋ مەسەلەسٸ تالقىلاندى.
ۇلتتىق ەكونوميكا مينيسترلٸگٸنٸڭ, رەسپۋبليكالىق بيۋدجەتتٸڭ اتقارىلۋىن باقىلاۋ جٶنٸندەگٸ ەسەپ كوميتەتٸنٸڭ, باس پروكۋراتۋرانىڭ, سىبايلاس جەمقورلىققا قارسى ٸس-قيمىل اگەنتتٸگٸنٸڭ جەنە بٸرقاتار ٶڭٸر ەكٸمدەرٸنٸڭ باياندامالارى تىڭدالدى.
ٶڭٸرلەردە مەملەكەتتٸك باعدارلامانى جٷزەگە اسىرۋ بارىسىندا تۇرعىن ٷي-كوممۋنالدىق شارۋاشىلىعى جەنە اۋىز سۋمەن قامتاماسىز ەتۋ سالالارىندا سىبايلاس جەمقورلىققا قاتىستى جوعارى تەۋەكەلدەر بار ەكەنٸ انىقتالدى.
اتاپ ايتقاندا, پروكۋراتۋرا ورگاندارى ەلٸمٸزدٸڭ التى ٶڭٸرٸ بويىنشا قارجى جىمقىرۋ جەنە ماقساتسىز جۇمساۋ فاكتٸلەرٸ بويىنشا جالپى سوماسى 5,3 ملرد تەڭگەنٸ قۇرايتىن مەملەكەتتٸك قاراجاتتىڭ ىسىراپ بولعانىن انىقتاعان, ودان مەملەكەتكە 730 ملن تەڭگە كٶلەمٸندە زارداپ كەلگەن. وسى فاكتٸلەر بويىنشا 7 سوتقا دەيٸنگٸ تەرگەۋ جۇمىستارى باستالىپ, 267 ملن تەڭگە قايتارىلعان.
سىبايلاس جەمقورلىققا قارسى ٸس-قيمىل اگەنتتٸگٸ 2017 جىلدان باستاپ سىبايلاس جەمقورلىق بويىنشا 145 قىلمىستى انىقتادى, قىلمىس جاساعانى ٷشٸن 78 ادام قىلمىستىق جاۋاپكەرشٸلٸككە تارتىلىپ, 59-ى سوتتالدى. مەملەكەتكە كەلتٸرگەن 931,9 ملن تەڭگە زارداپ سوماسىنىڭ 907,6 ملن تەڭگەسٸ قايتارىلدى.
باعدارلامانى ٸسكە اسىرۋ كەزەڭٸ بويىنشا قارجى مينيسترلٸگٸنە قاراستى قارجى مونيتورينگٸ كوميتەتٸ ەكونوميكالىق تەرگەۋ قىزمەتٸنٸڭ ٶندٸرٸسٸندە 33 قىلمىستىق ٸس قارالعان.
قارجى مينيسترلٸگٸنٸڭ ٸشكٸ مەملەكەتتٸك اۋديت كوميتەتٸ 10 لاۋازىمدى تۇلعانى قۇقىق بۇزۋشىلىق بويىنشا ەكٸمشٸلٸك جاۋاپكەرشٸلٸككە, 22 تۇلعانى تەرتٸپتٸك جاۋاپكەرشٸلٸككە تارتتى. پروتسەسستٸك شەشٸم قابىلداۋ ماقساتىندا قۇقىق قورعاۋ ورگاندارىنا جالپى سوماسى 5,7 ملرد تەڭگەنٸ قۇرايتىن 24 ٸس جٸبەرٸلدٸ.
2019 جىلى كامەرالىق باقىلاۋ جالپى سوماسى 42,8 ملرد تەڭگەنٸ قۇرايتىن مەملەكەتتٸك ساتىپ الۋدىڭ 45 پروتسەدۋراسىن قامتىپ, جالپى سوماسى 39,1 ملرد تەڭگەنٸ قۇرايتىن 42 پروتسەدۋرا بويىنشا مەملەكەتتٸك ساتىپ الۋ زاڭدىلىعىن بۇزۋ جاعدايلارى انىقتالعان.
كوميسسييا وتىرىسىنىڭ قورىتىندىسى بويىنشا مەملەكەتتٸك حاتشى قۇقىق بۇزۋشىلىققا جول بەرگەن سەبەپتەردٸ جويۋعا جەنە ولاردىڭ الدىن الۋعا باعىتتالعان ناقتى شارالاردى قابىلداۋدى تاپسىردى. مەملەكەتكە تيگٸزگەن زارداپتى ٶتەۋ مەسەلەسٸنە دە ەرەكشە نازار اۋداردى.
سونىمەن قاتار كوميسسييا مەملەكەتتٸك باعدارلامانى ارى قاراي ٸسكە اسىرۋ ٷشٸن جەنە مەملەكەت باسشىسىنىڭ تاپسىرمالارىن ورىنداۋ بارىسىندا سىبايلاس جەمقورلىق كٶرٸنٸستەرٸنٸڭ الدىن الۋعا باعىتتالعان ناقتى ۇسىنىستار دايىنداپ, تيٸستٸ مەملەكەتتٸك ورگاندارعا جٸبەردٸ.
