«PERSONA» حالىقارالىق رەپرودۋكتولوگييا كلينيكالىق ورتالىعىنىڭ باس ديرەكتورى, مەديتسينا عىلىمدارىنىڭ دوكتورى ۆياچەسلاۆ لوكشين ەلەمدە جەنە قازاقستاندا كۆي-دان ەمدەۋ تەسٸلٸ مەن ٸندەتتٸڭ جاڭا تولقىنىنا قاتىستى پٸكٸر بٸلدٸردٸ, دەپ حابارلايدى قازاقپارات.
«ٸندەت بارشا ەلەم ٷشٸن توسىن جاعداي بولدى. قازٸرگٸ كەزدە 200-گە جۋىق مەملەكەت قيىندىقتارعا تاپ بولدى. دياگنوستيكا مەن ەمدەۋ تەسٸلٸ ٷنەمٸ ٶزگەرٸپ تۇردى. باسقا ينفەكتسييالار بويىنشا تيٸستٸ ەمدەۋ تەجٸريبەسٸ قالىپتاسسا, ال بۇل جاعدايدا تەجٸريبە پروتسەسس بارىسىندا جيناقتالدى. سوندىقتان بٸزدٸڭ بٸر توپ ماماندارىمىز ٶزگە ەلدەردٸڭ عالىمدارىمەن بٸرلەسە جۇمىس ٸستەدٸ. ۆيرۋستان ەمدەۋدٸڭ باستاپقى كەزەڭٸندە قامتىلعان پرەپاراتتاردىڭ كٶبٸسٸ بٸرتٸندەپ تٸزٸمنەن شىعارىلدى, سەبەبٸ ولاردىڭ تيٸمدٸلٸگٸ تٶمەن ەكەنٸ انىقتالدى. ەلٸمٸزدە انتيبيوتيكتەردٸ پايدالانۋدان كەرٸ ەسەر بولدى. ٶيتكەنٸ, ٸندەتكە شالدىعۋ دەڭگەيٸ كٷرت ٶسكەن كەزدە, دەرٸحانالاردا دەرٸ-دەرمەك تەز ارادا ازايىپ كەتتٸ, ادامدار اراسىندا دٷربەلەڭ ورىن الدى. وسى ورايدا تۇرعىندار ٶزٸن-ٶزٸ ەمدەۋمەن اينالىسىپ, سونىڭ كەرٸ ەسەرٸنە تاپ بولدى, ياعني باۋىر مەن ٶزگە دە مٷشەلەرگە سالماق تٷسٸردٸ. اتاپ ايتقاندا, ەلەمدٸك ەرٸ وتاندىق تەجٸريبەنٸڭ ارقاسىندا ەمدەۋ حاتتاماسىندا دەرٸلٸك پرەپاراتتار تٸزٸمٸ ازايتىلدى», - دەدٸ ۆياچەسلاۆ لوكشين.
ونىڭ سٶزٸنە قاراعاندا, بٷگٸندە ٸندەتتٸڭ جەڭٸل فورمالارىنا ەم-دوم قاجەت ەمەستٸگٸ دەلەلدەندٸ. وسى ورايدا پاراتسەتومول الىپ, سۇيىقتىقتى كٶبٸرەك ٸشۋگە كەڭەس بەرٸلگەن.
«سونىمەن قاتار, امەريكالىق «رەمدەسيۆير» پرەپاراتىنا ٷمٸت ارتقان ەدٸك, الايدا مەلٸمەتتەر بويىنشا پرەپارات تيٸستٸ نەتيجە بەرمەي وتىر. ەندٸ بٸرقاتار ەل دايارلاپ جاتقان ۆاكتسينادان نەتيجە كٷتەمٸز. بۇل شارالارعا قازاقستاننىڭ دا عالىمدارى ٷلەسٸن قوسۋدا. سىناق جۇمىستارىنىڭ ٷشٸنشٸ كەزەڭٸ جٷرٸپ جاتىر جەنە ونىڭ بارلىعىن ماڭىزدى دەپ سانايمىن», - دەدٸ عالىم.
مۇنىمەن قوسا ول جٷكتٸ ەيەلدەردٸ ەمدەۋ شارالارىنا جەكە توقتالدى.
«كوروناۆيرۋسقا شالدىققان جٷكتٸ ەيەلدەر ٷشٸن ەم-دوم حاتتاماسىن دايارلادىق. ولاردىڭ سانى قازاقستاندا 2 مىڭعا جۋىق. ينفەكتسييانىڭ ۇرىققا ەسەرٸ ەتپەيتٸنٸ قۋانىشتى جاعداي, بٸرەن-ساران بالاعا ٸندەت جۇقتى. نەگٸزٸنەن, ينفەكتسييا پلاتسەنتا ارقىلى جۇقپايدى. سونىمەن قاتار, جىنىس جاسۋشالارىنا ەسەرٸ جوق ەكەنٸ دەلەلدەندٸ», - دەدٸ ۆ. لوكشين.
عالىمنىڭ ايتۋىنشا, كوروناۆيرۋس پنەۆمونيياسىمەن اۋىرعان جٷكتٸ ەيەلدەرگە قاتىستى پروبلەما بولدى.
«قازٸرگٸ كەزدە ماماندار توبىمەن تيٸستٸ حاتتامانى ەزٸرلەدٸك, وندا قاجەتتٸ پرەپاراتتاردى دەر كەزٸندە بەرۋ تەرتٸبٸ ەسكەرٸلگەن. ەلەم ەلدەرٸندە ٸندەتتٸڭ تارالۋىنىڭ جاڭا تولقىنى باستالعانىن بايقاپ وتىرمىز. بۇل تۇرعىدا ۆيرۋس مۋتاتسيياعا ۇشىرادى, سونداي-اق ادامدار كارانتين تالاپتارىنا جاۋاپكەرشٸلٸكپەن قاراماي جاتىر دەپ سانايمىن. ادامدار ماسكا تاقپاي جٷرگەنٸن بايقاۋدامىز, بۇل ٶز كەزەگٸندە اۋرۋدىڭ جاڭا اينالىمىنا الىپ كەلۋدە. تاعى بٸر ماڭىزدى جايت – ول بٸرتٸندەپ يممۋنيەت قالىپتاسۋدا. ەگەر حالىقتىڭ 60-70 پايىزى اۋىرسا, وندا ٸندەت كٷرت تٶمەندەيدٸ. سەبەبٸ اۋرۋعا شالدىعۋ تٸزبەگٸ ٷزٸلەدٸ, بۇل دا ماڭىزدى فاكتور. وسى ورايدا الداعى ۋاقىتتا ۆاكتسينا مەن يممۋنيتەت ٸندەتتٸڭ تارالۋىنا توسقاۋىل بولا الادى», - دەدٸ دەرٸگەر.
بۇل رەتتە ول ەلەۋمەتتٸك اراقاشىقتىقتى ساقتاۋ, ماسكا تاعۋ مەن گيگيەنا تالاپتارىن ورىنداۋعا ەرەكشە مەن بەرۋ كەرەك ەكەنٸن اتاپ ٶتتٸ.
«مەنٸڭ ويىمشا, قازاقستاندا ٸندەتتٸڭ جاڭا تولقىنى جەڭٸلدەۋ بولادى, ٶيتكەنٸ ماۋسىم مەن شٸلدە ايلارى كەزەڭٸندە ادامداردىڭ كٶبٸسٸ اۋىردى. ستاتيستيكا بويىنشا 106 مىڭ ادام اۋىردى. مەنٸڭشە, بۇل كٶرسەتكٸش 10 ەسە ارتىق بولۋى مٷمكٸن, تۇرعىنداردىڭ كٶبٸسٸ ٷيٸندە ەم-دوم قابىلدادى. ولارعا قاتىستى دياگنوستيكا جاسالمادى ەرٸ اناليز دە تاپسىرمادى. ەرينە, بٸز قازٸر ماۋسىمدىق تۇماۋعا قارسى ۆاكتسينا ەكتٸرۋٸمٸز كەرەك. احۋال ەكٸ جاعدايدا تٷزەلۋٸ مٷمكٸن. بٸرٸنشٸدەن, ساپالى ۆاكتسينا ارقىلى, ونى الداعى جىلدىڭ باسىندا الۋىمىز ىقتيمال. ەكٸنشٸدەن, يممۋنيتەت مٷمكٸندٸگٸمەن تەجەۋگە بولادى, الايدا بۇل پروتسەسس ۇزاققا سوزىلادى. الداعى جىلدىڭ جاز ايلارىنا قاراي قالىپتاسۋى مٷمكٸن», - دەدٸ ساراپشى.
