كوروناۆيرۋسپەن كٷرەسكە بٶلٸنگەن كٶلەمدٸ قاراجات فلەش-موبقا جۇمسالعان. بۇل تۋرالى رەسپۋبليكالىق ارنايى مونيتورينگ توبىنىڭ جەتەكشٸسٸ ايگٷل سولوۆەۆا بٷگٸن ونلاين-بريفينگٸدە ايتتى, دەپ حابارلايدى قازاقپارات.
«كەشە پرەزيدەنت كوروناۆيرۋس ينفەكتسيياسىمەن كٷرەسۋگە 191 ميلليارد تەڭگە بٶلٸنگەنٸ تۋرالى ايتتى. وعان دەيٸن شامامەن 400 ميلليون دوللار بٶلٸنگەن بولاتىن. بٸزدٸڭ ساراپتامالىق توپ بۇل قارجى قانداي شاراعا بٶلٸنگەنٸن انىقتاپ جاتىر. مەندەگٸ اقپارات بويىنشا, 600 ميلليون تەڭگە فلەش-موب ۇيىمداستىرعان جارنامالىق كومپانيياعا بٶلٸنگەن. دەل قازٸرگٸ جاعدايعا جەتكٸزبەس ٷشٸن بۇل قارجىعا قاجەتتٸ دەرٸ-دەرمەك, مەديتسينالىق قۇرالداردى الۋعا بولار ەدٸ. دەگەنمەن. وسى 600 ميلليون تەڭگەنٸڭ 200 ميلليون تەڭگەسٸ ەلٸ جۇمسالماعان ەكەن. بٸراق ول قارجى قر دەنساۋلىق مينيسترلٸگٸ ۇيىمداستىرعان تەندەرگە قاتىسىپ, ۇتىپ العان كومپانيياعا اۋدارىلىپ قويدى», - دەيدٸ ول.
ونىڭ ايتۋىنشا, قانداي دەرٸ جوق, قاي دەرٸنٸڭ باعاسى قانشاعا قىمباتتاعانى تۋرالى حابارلامالار ازاماتتاردان تٷسٸپ جاتىر.
«پرەزيدەنتتٸڭ ٷندەۋٸنەن ونىڭ ورىن الىپ جاتقان قۇقىق بۇزۋشىلىق جاعدايلار تۋرالى حاباردار بولىپ وتىرعانىن بٸلدٸك. مەملەكەت باسشىسى قۇقىق قورعاۋ ورگاندارىنا دەرٸ-دەرمەكتٸڭ جاساندى تاپشىلىعىن جاساپ وتىرعاندارمەن جۇمىس ٸستەۋگە تاپسىرما بەردٸ. رەسپۋبليكالىق ارنايى مونيتورينگ توبى پرەزيدەنت بۇل تاپسىرمانى بەرگەنگە دەيٸن ەكٸ كٷن بۇرىن جۇمىستى باستاپ كەتتٸ. ورىن الىپ جاتقان جاعدايلارعا نارازى بولۋ – بٸر بٶلەك, ال مەسەلەنٸ شەشۋگە ٷلەس قوسۋ – بٸر بٶلەك. الماتى, نۇر-سۇلتان قالالارىندا, ماڭعىستاۋ, شىعىس قازاقستان وبلىستارىندا مونيتورينگ جٷرگٸزٸپ, دەرٸ-دەرمەك باعاسىن 1,5-2 ەسە قىمباتتاتقان فاكتٸلەردٸ انىقتادىق», - دەدٸ ايگٷل سولوۆەۆا.
