مەكتەپتەردە اشىلاتىن كەزەكشٸ سىنىپتارعا جٷكتٸ, جاسى 65-تەن اسقان مۇعالٸمدەر ساباق بەرە المايدى. قر بٸلٸم جەنە عىلىم مينيسترٸ اسحات ايماعامبەتوۆ ەلٸمٸزدٸڭ مەكتەپتەرٸندە وقۋ اپتاسىنىڭ ۇزارتىلۋىنا قاتىستى سۇراققا جاۋاپ بەردٸ, دەپ حابارلايدى "ۇلت اقپارات".
ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا مينيستر باق ٶكٸلدەرٸنٸڭ ساۋالىنا وراي كوروناۆيرۋس جۇقتىرىپ العان مۇعالٸمدەرگە ەشقانداي ٷستەماقى قاراستىرىلماعانىن ايتتى.
«بۇل مەسەلە جالپى دەنساۋلىق ساقتاۋ مينيسترلٸگٸ بەكٸتكەن نۇسقاۋلىقتا قاراستىرىلعان. كەزەكشٸ سىنىپتاردا جۇمىس ٸستەۋگە جٸبەرۋ ٷشٸن تيٸستٸ تالاپ بار. مۇنداي فورماتتاعى جۇمىس پروتسەسٸنە جٷكتٸ مۇعالٸمدەر, سوزىلمالى اۋرۋلارى بار جاسى 65-تەن اسقان ۇستازدار جٸبەرٸلمەيدٸ. ياعني, مۇنداي پەداگوگتار كەزەكشٸ سىنىپتا جۇمىس ٸستەي المايدى. كوروناۆيرۋس جۇقتىرىپ الماس ٷشٸن دەنە قىزۋىن قاداعالاپ, بارلىق سانيتارلىق تالاپتاردى ساقتاۋ قاجەت. مۇنىڭ بارلىعىن مەكتەپ باسشىلارى باقىلاۋعا الادى. تيٸستٸ ەرەجەلەر بەكتٸلٸپ, مۇعالٸمدەردٸڭ نازارىنا جەتكٸزٸلدٸ», - دەدٸ اسحات ايماعامبەتوۆ.
