Mektepterde ashylatyn kezekshi synyptarǵa júkti, jasy 65-ten asqan muǵalimder sabaq bere almaidy. QR Bilim jáne ǵylym ministri Ashat Aimaǵambetov elimizdiń mektepterinde oqý aptasynyń uzartylýyna qatysty suraqqa jaýap berdi, dep habarlaidy "Ult aqparat".
Ortalyq kommýnikatsiialar qyzmetindegi baspasóz máslihaty barysynda ministr BAQ ókilderiniń saýalyna orai koronavirýs juqtyryp alǵan muǵalimderge eshqandai ústemaqy qarastyrylmaǵanyn aitty.
«Bul másele jalpy Densaýlyq saqtaý ministrligi bekitken nusqaýlyqta qarastyrylǵan. Kezekshi synyptarda jumys isteýge jiberý úshin tiisti talap bar. Mundai formattaǵy jumys protsesine júkti muǵalimder, sozylmaly aýrýlary bar jasy 65-ten asqan ustazdar jiberilmeidi. Iaǵni, mundai pedagogtar kezekshi synypta jumys istei almaidy. Koronavirýs juqtyryp almas úshin dene qyzýyn qadaǵalap, barlyq sanitarlyq talaptardy saqtaý qajet. Munyń barlyǵyn mektep basshylary baqylaýǵa alady. Tiisti erejeler bektilip, muǵalimderdiń nazaryna jetkizildi», - dedi Ashat Aimaǵambetov.
