ۋكراينانىڭ بۇرىنعى پرەمەر-مينيسترٸ يۋلييا تيموشەنكوعا كوروناۆيرۋس جۇققانىن ونىڭ باسپاسٶز حاتشىسى مارينا سوروكا راستادى. ونىڭ سٶزٸنە قاراعاندا ساياساتكەردٸڭ دەنە قىزۋى كٶتەرٸلگەن, جاعدايى – كٷردەلٸ. سوروكا تيموشەنكونىڭ ناقتى قاي جەردە ەمدەلٸپ جاتقانىن ايتپادى.
59 جاستاعى يۋلييا تيموشەنكو جوعارعى راداداعى ٸرٸ وپپوزيتسييالىق فراكتسييانى باسقارادى.
ەپيدەمييا باستالعالى بەرٸ ول ٷكٸمەتتٸڭ كوروناۆيرۋسپەن كٷرەس شارالارىن سىناپ كەلەدٸ. ساياساتكەر رەسمي ستاتيستيكا ەلدەگٸ شىنايى جاعدايدى كٶرسەتپەيدٸ دەپ تە ايتقان.
وسى اپتادا ۋكراينادا كوروناۆيرۋس جۇققاندار كٷرت كٶبەيدٸ. 22 تامىزدا ەلدە بٸر كٷندە 2 328 جاڭا ناۋقاس انىقتالعان.
دجونس حوپكينس ۋنيۆەرسيتەتٸنٸڭ مەلٸمەتٸ بويىنشا, ەلدە ۆيرۋس جۇقتىرعاندار 107 379 ادامعا جەتكەن, 2 313 ادام قايتىس بولعان.
تيموشەنكو 2004 جىلعى ەلدە جەمقورلىق پەن سايلاۋ قورىتىندىسىنا قارسى نارازىلىق جالعاسىپ جاتقان كەزدە تانىمال تۇلعاعا اينالعان.
ول 2010 جىلى پرەزيدەنت سايلاۋىنا قاتىسىپ, رەسەيشٸل ۆيكتور يانۋكوۆيچتەن جەڭٸلٸپ قالدى. ودان كەيٸنگٸ جىلدارى "ٶكٸلەتٸن اسىرا پايدالاندى" دەپ ايىپتالىپ, 2011 مەن 2014 جىلدار ارالىعىندا تٷرمەدە وتىردى. حالىقارالىق قاۋىمداستىق ونىڭ ٸسٸنٸڭ ساياسي استارى بارىن ايتقان.
2014 جىلى يانۋكوۆيچ بيلٸكتەن كەتٸرٸلگەننەن كەيٸن تيموشەنكو بوستاندىققا شىققان.
