Ýkrainanyń burynǵy premer-ministri Iýliia Timoshenkoǵa koronavirýs juqqanyn onyń baspasóz hatshysy Marina Soroka rastady. Onyń sózine qaraǵanda saiasatkerdiń dene qyzýy kóterilgen, jaǵdaiy – kúrdeli. Soroka Timoshenkonyń naqty qai jerde emdelip jatqanyn aitpady.
59 jastaǵy Iýliia Timoshenko joǵarǵy radadaǵy iri oppozitsiialyq fraktsiiany basqarady.
Epidemiia bastalǵaly beri ol úkimettiń koronavirýspen kúres sharalaryn synap keledi. Saiasatker resmi statistika eldegi shynaiy jaǵdaidy kórsetpeidi dep te aitqan.
Osy aptada Ýkrainada koronavirýs juqqandar kúrt kóbeidi. 22 tamyzda elde bir kúnde 2 328 jańa naýqas anyqtalǵan.
Djons Hopkins ýniversitetiniń málimeti boiynsha, elde virýs juqtyrǵandar 107 379 adamǵa jetken, 2 313 adam qaitys bolǵan.
Timoshenko 2004 jylǵy elde jemqorlyq pen sailaý qorytyndysyna qarsy narazylyq jalǵasyp jatqan kezde tanymal tulǵaǵa ainalǵan.
Ol 2010 jyly prezident sailaýyna qatysyp, reseishil Viktor Ianýkovichten jeńilip qaldy. Odan keiingi jyldary "ókiletin asyra paidalandy" dep aiyptalyp, 2011 men 2014 jyldar aralyǵynda túrmede otyrdy. Halyqaralyq qaýymdastyq onyń isiniń saiasi astary baryn aitqan.
2014 jyly Ianýkovich bilikten ketirilgennen keiin Timoshenko bostandyqqa shyqqan.
