قازٸر حالىق اراسىندا كوروناۆيرۋستان كەيٸن شاشتىڭ تٷسۋٸ جيٸلەيدٸ دەگەن پٸكٸرلەر كەزدەسەدٸ. وسى ورايدا اتالعان تاقىرىپ تٶڭٸرەگٸندەگٸ ساۋالدارعا باس تەرٸسٸ اۋرۋلارىن ەمدەۋمەن اينالىساتىن تريحولوگ دەرٸگەر دەلنۇر قامباروۆا جاۋاپ بەردٸ, دەپ حابارلايدى قازاقپارات.
«سوڭعى ۋاقىتتا بٸزدٸڭ ورتالىققا شاش تٷسۋٸ مەسەلەسٸمەن ەمدەلۋگە كەلەتٸندەر كٶبەيدٸ. بۇل كەزدەيسوق جاعداي ەمەس. سەبەبٸ كوروناۆيرۋسپەن اۋىرعان ناۋقاستاردا شاشتىڭ تٷسۋٸ جيٸ كەزدەسەدٸ. ٸندەت ورگانيزمدەگٸ تٷرلٸ ۆيرۋستارعا قارسى تۇراتىن يممۋندىق جٷيەنٸ جويىپ جٸبەرەدٸ. سونداي-اق, اعزاداعى ۇساق تامىرلاردى زاقىمدايدى. ياعني, كاپيلليار تامىرلاردا ترومبوز (قان اينالىمىنىڭ باياۋلاۋى) پايدا بولادى. ال شاش نەگٸزگٸ قورەگٸن وسى ۇساق تامىرلار ارقىلى الادى.
بٸزدٸڭ كٷنەدەلٸكتٸ ٸشەتٸن تاعامداردىڭ قۇنارى قان قۇرامىنا تٷسٸپ, بٸرٸنشٸ رەتتە جٷرەك, بٷيرەك جەنە ٶكپەگە باعىتتالادى. ال ودان قالعان قان قۇرامىنداعى نەرلٸ زاتتار ۇساق تامىرلار ارقىلى باس تەرٸسٸنە بارادى.
ال كوروناۆيرۋسقا شالدىققانداردىڭ قانى ۇيىپ, سالدارىنان كاپيلليار تامىرلار بٸتەلەدٸ. وسى كەزەڭدە شاش قاجەتتٸ قورەگٸن الا المايدى. بۇل شاشتىڭ ەرتە تٷسۋٸنە الىپ كەلەدٸ», - دەيدٸ دەلنۇر ابدۋكاحارقىزى.
تريحولوگ ماماننىڭ ايتۋىنشا, كوروناۆيرۋستان ەمدەلٸپ شىققان ناۋقاستا شاشتىڭ تٷسۋٸ 3-5 ايدان سوڭ باستالادى.
«ەلٸمٸزدە كوروناۆيرۋس ينفەكتسيياسى ماۋسىم-شٸلدە ايلارىندا ٶرشٸدٸ. وسى ارالىقتا ٸندەتكە شالدىققان ادامدار شاش تٷسۋٸنٸڭ جيٸلەگەنٸن تەك ەندٸ بايقاپ جاتىر. بۇل دەرت جاس ەرەكشەلٸگٸنە قاراماستان كٶبٸندە كەزدەسەدٸ.
دەگەنمەن, قوبالجۋدىڭ قاجەتٸ جوق. سەبەبٸ كوروناۆيرۋس سالدارىنان پايدا بولعان شاش تٷسۋ اۋرۋى ەمدەلەدٸ. تەك دەر كەزٸندە دەرٸگەر كٶمەگٸنە جٷگٸنسەڭٸز بولعانى. ماماندار كەشەندٸ ەم ارقىلى قان اينالىمىن رەتتەپ, دۇرىس تاماقتانۋ جولدارىن ۇسىنادى.
قازٸر بويىندا قورەكتٸك زاتتارى مول تاعامداردى تۇتىنعان جٶن. قۇرامىندا قانتى بار گازدالعان سۋسىنداردان باس تارتۋ كەرەك.
ٶيتكەنٸ مۇنداي سۋسىنداردىڭ قۇرامىنداعى زيياندى زاتتار تامىردى بٸتەپ, قان اينالىمى جٷيەسٸن بۇزادى. سونىمەن قاتار, فاستفۋد جەنە جارتىلاي دايىن ٶنٸمدەردەن دە باس تارتقان ابزال.
كەرٸسٸنشە قوي ەتٸن جەنە سٷت ٶنٸمدەرٸن جيٸ تۇتىنعانىمىز دۇرىس. ٸندەتتەن قورقىپ, كٷيزەلٸسكە تٷسۋدٸڭ قاجەتٸ جوق. سەبەبٸ سترەسسكە بوي الدىرعان ادامنىڭ باس تەرٸسٸندەگٸ ۇساق تامىرلارى قالىپتى جۇمىس ٸستەۋٸن توقتاتادى» , - دەپ اتاپ ٶتتٸ دەلنۇر قامباروۆا.
دەرٸگەر پٸكٸرٸنشە, تازا اۋادا سەرۋەندەپ, دەنە شىنىقتىرۋ جاتتىعۋلارىن جاساۋ قان اينالىمىن رەتتەۋگە كٶمەكتەسەدٸ.
سونداي-اق د دەرۋمەنٸن قولدانۋ يممۋندىق جٷيەنٸ قالىپقا كەلتٸرۋگە ىقپال ەتەدٸ.
دەگەنمەن ماماندار ٷيدە ٶز بەتٸنشە ەم الماي, بٸرٸنشٸ كەزەكتە دەرٸگەر كٶمەگٸنە جٷگٸنۋگە كەڭەس بەرەدٸ.
