قر قورعانىس مينيسترٸنٸڭ ورىنباسارى تيمۋر دەندٸباەۆ ارىس قالاسىنداعى ەسكەري بٶلٸم اۋماعىنداعى جارىلىسقا بايلانىستى تٷسٸنٸك بەردٸ, دەپ حابارلايدى قازاقپارات تٸلشٸسٸ.
قورعانىس مينيسترلٸگٸنٸڭ ٶكٸلٸ وسىنداي جاعدايدا بٸرقاتار قاجەتتٸ شارالار ٸسكە اسىرىلاتىنىن, ونىڭ ٸشٸندە ەۆاكۋاتسييالاۋ جۇمىستارى اتقارىلاتىنىن اتاپ ٶتتٸ.
«ورىن العان جارىلىستىڭ اۋقىمى مەن ناقتى سەبەبٸ ەزٸرگە بەلسٸز. قازٸرگٸ كەزدە جارىلىستىڭ زارداپتارىن جويۋ شارالارى جٷرگٸزٸلۋدە. سوندىقتان تەكسەرۋ جۇمىستارى ٷشٸن تيٸستٸ ۋاقىت قاجەت», - دەدٸ ول سەناتتا تٸلشٸلەر ساۋالىنا جاۋاپ بەرە وتىرىپ.
بۇدان بٶلەك ت. دەندٸباەۆ بٷگٸن ورىن العان جارىلىستى 2009 جىلعى وقيعامەن سالىستىرۋعا بولمايتىنىن ايتتى.
«قارۋ-جاراقپەن, ەسكەري تەحنيكامەن بايلانىستى شارالار ٷنەمٸ بەلگٸلٸ بٸر تەۋەكەلدٸ تۋىنداتادى. ەرينە, بۇل وقيعانىڭ سەبەپتەرٸن ەگجەي-تەگجەيلٸ تەكسەرەمٸز», - دەدٸ مينيستردٸڭ ورىنباسارى.
سونىمەن قاتار تٸلشٸلەر ت. دەندٸباەۆتان ەسكٸرگەن قارۋ-جاراقتىڭ جاعدايى تۋرالى سۇرادى.
«بٸزدە كەڭەستٸك كەزەڭنەن قالعان قارۋ-جاراق بار. وسى ورايدا ساقتاۋ مەرزٸمٸنەن اسقان قارۋ-جاراق پەن وق-دەرٸنٸ ۋتيليزاتسييالاۋ بويىنشا شارالاردى ٸسكە اسىرۋدامىز», - دەدٸ ول.
ەسكە سالساق, ارىس قالاسىنداعى ەسكەري بٶلٸمنٸڭ قويماسىندا جارىلىس بولعاندىعى تۋرالى حابارلاعان بولاتىنبىز. قر قورعانىس مينيسترلٸگٸ ارىستاعى جارىلىستان زارداپ شەككەندەر جوق ەكەندٸگٸن مەلٸمدەدٸ. توقاەۆ ارىستاعى وق-دەرٸ قويماسىنداعى جارىلىس زارداپتارىن جويۋدى تاپسىردى.
