QR Qorǵanys ministriniń orynbasary Timýr Dándibaev Arys qalasyndaǵy áskeri bólim aýmaǵyndaǵy jarylysqa bailanysty túsinik berdi, dep habarlaidy QazAqparat tilshisi.
Qorǵanys ministrliginiń ókili osyndai jaǵdaida birqatar qajetti sharalar iske asyrylatynyn, onyń ishinde evakýatsiialaý jumystary atqarylatynyn atap ótti.
«Oryn alǵan jarylystyń aýqymy men naqty sebebi ázirge belsiz. Qazirgi kezde jarylystyń zardaptaryn joiý sharalary júrgizilýde. Sondyqtan tekserý jumystary úshin tiisti ýaqyt qajet», - dedi ol Senatta tilshiler saýalyna jaýap bere otyryp.
Budan bólek T. Dándibaev búgin oryn alǵan jarylysty 2009 jylǵy oqiǵamen salystyrýǵa bolmaitynyn aitty.
«Qarý-jaraqpen, áskeri tehnikamen bailanysty sharalar únemi belgili bir táýekeldi týyndatady. Árine, bul oqiǵanyń sebepterin egjei-tegjeili tekseremiz», - dedi ministrdiń orynbasary.
Sonymen qatar tilshiler T. Dándibaevtan eskirgen qarý-jaraqtyń jaǵdaiy týraly surady.
«Bizde keńestik kezeńnen qalǵan qarý-jaraq bar. Osy oraida saqtaý merziminen asqan qarý-jaraq pen oq-dárini ýtilizatsiialaý boiynsha sharalardy iske asyrýdamyz», - dedi ol.
Eske salsaq, Arys qalasyndaǵy áskeri bólimniń qoimasynda jarylys bolǵandyǵy týraly habarlaǵan bolatynbyz. QR Qorǵanys ministrligi Arystaǵy jarylystan zardap shekkender joq ekendigin málimdedi. Toqaev Arystaǵy oq-dári qoimasyndaǵy jarylys zardaptaryn joiýdy tapsyrdy.
