قر قورعانىس مينيسترٸ نۇرلان ەرمەكباەۆ ارىستاعى جارىلىس تۋرالى قوعامدىق رەزونانس تۋدىرعان پٸكٸرگە تٷسٸنٸكتەمە بەردٸ, دەپ حابارلايدى قازاقپارات تٸلشٸسٸ.
«جاعدايدى ەدٸل باعالاۋ ٷشٸن جاۋاپكەرشٸلٸك پەن كٸنەنٸ شاتاستىرماعان جٶن. مەن جاۋاپكەرشٸلٸكتەن قاشپايمىن. ال كٸنەنٸ سوت انىقتايدى. بۇعان دەيٸن بٸرنەشە رەت ٶز اتىمنان, ەسكەريلەر اتىنان ارىس تۇرعىندارىنا جاعدايعا بايلانىستى ٶكٸنٸش بٸلدٸردٸم. قارالى ٷيگە كٶڭٸل ايتتىم, كەشٸرٸم سۇرادىم. ەلٸ دە زارداپ شەككەندەرمەن جٷزبە-جٷز كەزدەسٸپ, كەشٸرٸم سۇراۋعا دايىنمىن», - دەدٸ مينيستر ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ونىڭ ايتۋىنشا, ەسكەري ادامنىڭ مٸندەتٸ - ەدەمٸ سٶز سٶيلەپ, پوپۋليزممەن اينالىسۋ ەمەس, ناقتى ٸستەر ارقىلى جاعدايدى تٷزەتۋ.
«بەيتانىس جٸگٸت كەلٸپ, امانداسپاي, ٶزٸن تانىستىرماي, ەكونوميكاعا نۇقسان كەلتٸردٸڭ دەپ ايىپتاسا جەنە كامەرا الدىندا كەشٸرٸم سۇراۋدى تالاپ ەتسە, ەر ادام ەرتٷرلٸ جاۋاپ قاتار ەدٸ. مەن دە بەيتانىس ادامعا كەشٸرٸم سۇراۋدىڭ نەگٸزٸ جوق دەپ جاۋاپ بەردٸم. قايتالاپ ايتامىن, مەن كامەرا الدىندا ەمەس, زارداپ شەككەن تۇرعىنداردان كەشٸرٸم سۇرادىم جەنە تاعى سۇراۋعا دايىنمىن», - دەدٸ ن. ەرمەكباەۆ.
سونىمەن بٸرگە, مينيستر قوعامدىق رەزونانس تۋدىرعان «تابيعي نەرسە» سٶزٸ تۋرالى تٷسٸنٸكتەمە بەردٸ.
«مەن ورىس مەكتەبٸن بٸتٸرگەنمٸن. 1 سىنىپتان 10 سىنىپقا دەيٸن قازاق تٸلٸندە بٸردە-بٸر ساباق الماعانمىن. سوندىقتان, قازاق تٸلٸن مٷلتٸكسٸز بٸلەمٸن دەپ ايتا المايمىن. بٸراق, ەلٸمٸزدە قازاق تٸلٸن جەتٸك بٸلەتٸن ادامدار «تابيعي نەرسە» سٶزٸن ورىسشاعا دۇرىس اۋدارمادى. سٶزدٸكتە «تابيعي» سٶزٸ ەڭ الدىمەن «ەستەستۆەننىي» دەپ اۋدارىلادى. ايتقىم كەلگەنٸ, بٶلٸم كومانديرٸن كٸنەلٸ دەپ ايتۋعا بولمايدى. سەبەبٸ, ەربٸر ەسكەري نىساندا قاۋٸپ-قاتەر بولادى. مۇندا سالعىرتتىق نەمەسە نەمقۇرايلىق, ەدەيٸ جاسالعان نەمەسە تەحنيكالىق سەبەپتەر بولۋى مٷمكٸن. ونى ارنايى كوميسسييا انىقتايدى», - دەپ ٶز سٶزٸن تٷيٸندەدٸ قورعانىس مينيسترٸ.
ەسكە سالا كەتسەك, ارىس قالاسىنداعى ەسكەري بٶلٸمنٸڭ قويماسىندا 24 ماۋسىم كٷنٸ تاڭەرتەڭ جارىلىس بولدى. سالدارىنان ٷش ادام قازا تاپتى - ارىس تۇرعىنى مەن ەكٸ ەسكەري قىزمەتشٸ. 170-كە جۋىق ادام زارداپ شەكتٸ. 20-عا جۋىق ٷي, 9 قورا-قوپسى جانىپ, دالالى اۋماقتا 14 وشاق تۇتاندى. ٷي-جايلار مەن عيماراتتاردىڭ 80-90 پايىزىنا ەرتٷرلٸ دەڭگەيدە زاقىم كەلدٸ. بٸرقاتار ٶڭٸردە شۇعىل جەلٸلەر قۇرىلدى.
تٷركٸستان وبلىسىنا ارنايى بارعان قازاقستان پرەزيدەنتٸ قاسىم-جومارت توقاەۆ ارىستاعى ەسكەري بٶلٸمشەدەگٸ وق-دەرٸ قويماسىنداعى جارىلىستان زارداپ شەككەن قالا تۇرعىندارىمەن كەزدەسٸپ, قالانىڭ قالپىنا كەلتٸرٸلەتٸنٸنە ۋەدە بەردٸ. سونداي-اق ەلباسى نۇرسۇلتان نازارباەۆ ارىستاعى جاعدايعا الاڭداۋشىلىق بٸلدٸردٸ. تۇڭعىش پرەزيدەنتتٸڭ تٶراعالىعىمەن قاۋٸپسٸزدٸك كەڭەسٸنٸڭ وتىرىسى ٶتٸپ, وندا ارىس قالاسىنداعى احۋال تالقىلاندى.
ٷكٸمەت وتىرىسىندا پرەمەر-مينيستر اسقار مامين جارىلىس سالدارىنان كٶز جۇمعانداردىڭ تۋعان-تۋىستارىنا كٶڭٸل ايتىپ, تۇرعىندارعا بارلىق كٶمەك كٶرسەتٸلەتٸنٸن ايتتى. كەلتٸرٸلگەن زالالدىڭ كٶلەمٸ باعالانىپ, ٷكٸمەت رەزەرۆٸنەن اقشا بٶلٸنەدٸ.
ەۆاكۋاتسييالاۋ كەزٸندە مىڭنان استام اتا-انا بالارىنان كٶز جازىپ قالدى. سەبيلەردٸڭ بارلىعى تۋىس-تۋعاندارىنا دٸن-امان تاپسىرىلدى.
